Yelemiya 4:13 - IBAYIBOLO 2024

¹³ Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Yelemiya 4:13 Iomraidhean Croise

2 Samuweli 1:23

“U Sabuli nu Yonatani mubumi bwabo bakaghaniwa, sona bakaba bakuboneka akiza. Bakaba poka bo bachili bumi, sona bakaba poka bo bafuye. Bakaba bantu balubilo nkani ukughachila amazwanga. Bakaba bamaka nkani ukuzichila inkalamu.

Yesaya 13:5

Bakufuma kuvyisu ivya kubutali, kubumalilo ubwa chisu ichapasi, u Mwene ni vilwilo ivya bukali bwache, akwiza pakuchinangannya ichisu chosi ichapasi.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Yesaya 3:8

U Yelusalemu akutantalila bulo sona u Yuda akuwa pasi, pakuti amazyu ghabo ni mbombo zyabo zikumusamula, u Mwene pakunyazya ubuchindamu bwache.

Yesaya 5:28

Utulasilo twabo tukwete nkani, sona ubwele bwabo bosi bwayaniziwa, inyayo izya falasi zyabo zili ngati lipangazibwe, ivingelengele ivya ngolo ivya bwite, vikuzyungulila ngati we kankungu.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 10:19

Chighune nkani kukwane pachifukwa chakuvulala kwane ichilonda chane chitakupola! Loli nkanena ne mwene nkati, “Ubu bo bubine bwane, imbaghiye pakujimba.”

Yelemiya 4:12

Nkubatumila impepo iya maka nkani. Nene nkwiza nu bulongi papabo.”

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 46:18

“U Mwene Uwamaka Ghosi akuti: Nkulapa ukuti weka akwiza yuyo ali ngati lighamba ilya Taboli, pakasi pamaghamba, ngati lighamba ilya Kalimeli, lilyo lili mulubazu ulwa nyanja.

Yelemiya 48:40

U Mwene akuti, “Ennya! Uluko lumo lukwiza lukubuluka ngati lizwanga lilyo likuvikuzulila ivipapande vyache pa Mowabu.

Yelemiya 49:22

Ennya, umuntu yumo ngati lyo lizwanga akwiza pakubuluka umwalubilolubilo nukukuzulila ivipapande vyache pa Bozila. Pisiku lilalila, amoyo agha basilikali aba Edomu ghakwiza pakuba ngati moyo uwa mukolo yuyo akusayiwa.”

Yelemiya 6:23

Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Wee Ziyoni, bakwiza ngati bantu babo biyanizye pakulwa ubwite, ukuti balwe nawe.”

Yelemiya 9:19

Ukulila ukwa Ziyoni kukwivwika, ‘Mwee twamala! Mwee isoni zyatulema! Tubaghiye pakwepamo muchisu chitu, pachifukwa ichakuti inyumba zyitu zyipela visami.’ ”

Nkuto 4:19

Abakutuchimbizya bakaba bengo nkani, ukughachila amazwanga, Bakatuchimbizyanga mumaghamba, po bakatuvwamilila munkolongo.

Ezekiyeli 26:10

Ifalasi zyache zikwiza pakuba nyinji nkani, umwakuti u lufumbi ulwa falasi zyache lukwiza pakubavwinka. Ivibumba vyako vikwiza pakuneng'ena pachifukwa icha chongo icha falasi zyache, ni vingelengele ivya ngolo zyache, bo u mwene akwinjila mukaya akakulu nkani, ngati mumo abantu bakwinjilila mukaya kako bapankula umulyango.

Ezekiyeli 38:9

Awe na basilikali bako bosi ninko inyinji zizyo zili poka nawe, mukwiza pakwiza ngati we kankungu, sona ngati libingu ilya kuvwinka ichisu.

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Daniyeli 7:4

“Ichinyamana ichakwanda chikaboneka ngati yo nkalamu, sona chikaba ni vipapande ngati vya lizwanga. Nkachenelezya mupaka ivipapande vyache vikazepuka, sona chikanyamuziwa nukwimilila ni vinama folo ngati muntu. Po chikapeghiwa inyinong'ono izya muntu.

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Mika 2:4

Mwisiku lilalila abantu bakwiza pakukusamula sona bakwiza pakubobezya ni nyimbo izya chililo izyakuti: ‘Mwee twananganika nkani ukatundu uwa bantu bitu afyuliwa. Anfyula ukatundu wane wesi! Akubapa abalwani amaghunda ghitu ghosi.’ ”

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Habakuku 1:8

Ifalasi zyabo zili nulubilo nkani ukubachila abazyela, sona zyengo nkani ukubachila abakambwe pachamabwila. Ifalasi zyabo zikuchimbila nkani, abakukwelapo bakufumila kubutali nkani. Zikubuluka lubilolubilo ngati lizwanga, lilyo likubuka pakulema inyama.

Zekaliya 6:1

Nkatalankannya sona, nkazyennya ingolo folo zikufuma pakasi pamaghamba mabili, ghagho maghamba agha mukuba uwa chela.

Matayi 24:30

Po ichimanyilo ichakwiza ukwa Mwana uwa Muntu chikwiza pakuboneka kumwanya. Abantu bosi aba muchisu ichapasi bakwiza pakufwifwitila, bo bamwennya u Mwana uwa Muntu akwiza mumabingu na maka nu buchindamu ubukulu.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.