Yelemiya 4:10 - IBAYIBOLO 2024

¹⁰ Po nkati, “Wee Mwene Uwamaka Ghosi, naloli wabazimbula abantu aba poka naba mu Yelusalemu! Ukababuzya ukuti, ‘Mukwiza pakuba nu mutende,’ loli bo upanga ali pasingo zyabo.”

Yelemiya 4:10 Iomraidhean Croise

Ukufuma 5:22

Po u Mozesi akiputa sona kwa Mwene akati, “Wee Mwene, nkimba choni chicho ukubayivya abantu bako? Nkimba cho chifukwa ukantumila kuno?

Ukufuma 9:14

Pakabalilo kanaka nkwiza pakukufunda awe, na makambala ghako, sona na bantu bako bulo, umwakuti umanye ukuti atalipo uyunji muchisu chosi ichapasi uwakuyana nane.

Yesaya 30:10

Bakunena kubenelezi ukuti, “Leka pakwennya ivisetuka!” Sona bakubabuzya abalaghuzi bakuti, “Mutakatubuzyanje ivisetuka ivya bugholosu! Loli mutubuzye zizyo tukuzilonda, nukulaghula izya bumyasi.

Yesaya 37:35

“Nkwiza pakukazighilila akaya akakulu nkani aka nukukapoka, pachifukwa chanene, sona na pachifukwa icha mubombi wane u Devedi!”

Yesaya 63:17

Wee Mwene nkimba choni chicho watupela ukuti tusobelaye izila zyako? Nkimba choni chicho waghakazya amoyo ghitu ukuti tutakakwivwilaye. Nyokako pachifukwa icha babombi bako, uluko lulo mpyana yako

Yelemiya 1:6

Ane nkati, “Wee, Mwene Uwamaka Ghosi, ane ne mwana munandi nukunena kope intamenye.”

Yelemiya 23:17

Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Yelemiya 5:12

Abantu bamutamantila u Mwene bati, “Atangatubombela nachimochimo, ubupalapala butakwiza pakutuwila, po tutakwiza pakwennyapo ubwite pamo izala.

Yelemiya 6:14

Bakupozya ivilonda ivya bantu bane pamwanya bulo. Bakunena bakuti, ‘Umutende, umutende,’ loli bo umutende ghutalimo naghumoghumo.

Yelemiya 8:11

Bakupozya ivilonda ivya bantu bane pamwanya bulo. Bakunena bakuti, “Umutende, umutende,” loli bo umutende ghutalimo naghumoghumo.

Nkuto 2:21

“Abanandi na baghosi bulo bali lambalala palufumbi mumisebo, abalumendo poka na balindu baghoghiwa nupanga. Ukabaghogha pisiku lilyo ukakalala, sona utakabapelela ichisa pakubaghogha.

Ezekiyeli 11:13

Bo nkulaghula, u Pelatiya umwana uwa Benaya akafwa. Po nkakupama icheni chane pasi nukukolomoka nkani ukuti, “Wee Mwene Uwamaka Ghosi, nkimba ukwiza pakubananganizizya zila abakusyalako aba Izilayeli?”

Aba Loma 1:24

Polelo u Chala akabaleka abantu ukuti babombaye bulo ivinyonywa ivibibi, vivyo amoyo ghabo ghakunyonywa, mupaka nukughanyazya amabili ghabo.

Aba Loma 1:26

Pachifukwa chinichi u Chala akabaleka abantu ukuti babombaye bulo ivinyonywa ivyakukozya isoni. Na bakolo bulo bakutanana inkalo iyakupapiwa nayo iyakughonana na banavuli, ni nkalo yiyo yitakwitikiziwa.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.