Yelemiya 4:1 - IBAYIBOLO 2024

¹ U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Yelemiya 4:1 Iomraidhean Croise

Ubwandilo 35:2

Po u Yakobo akababuzya abamunyumba yache, sona na bosi babo bakaba nawe akati, “Tagha utwachala utuyeni tuto muli nato pakasi papinyu. Mwiswefye mwebene, sona muvwalaye amenda aghanji amiza.

2 Abamwene 23:13

Pisinda pache u mwene akanangannya sona inyumba izyakwiputilamo abachala abayeni zizyo zikaba kubufumilo ubwa Yelusalemu kuntende ukwa lighamba ilya umwiko. Inyumba zizyo u Solomoni, u mwene uwa ba Izilayeli, akamuzengela u Ashitoleti u chala uwamwiko Sidoni, u chala umukolo uwa Sidoni nu kemoshi u chala uwa mwiko uwa Mowabu, sona u Moleki, uchala uwa mwiko u Amoni.

2 Abamwene 23:24

Ukonjelezyapo, u Yosiya akabefyamo abantu babo bakubuzikizyanga ku mizimu na bamayele nu twachala utwa munyumba ni vifwani sona ni vintu vyosi ivyamwiko vivyo vikaba mu Yuda na mu Yelusalemu. U Yosiya akabomba bunubu pakufisya zizyo ibuku ilya ndaghilo lilyo umuputi u Hilikiya akalyagha mu Nyumba iya Mwene.

2 Imbili 15:8

Bo u Asa aghivwa amazyu aghabulaghuzi agha Azaliya umwana uwa mulaghuzi u Odedi, akikazya. Akefyamo ivifwani ivyakukozya isoni mu Yuda na muchisu icha Benjamini sona na mutwaya tosi utukulu, tuto akatufyula muchisu icha mumaghamba icha Efulayimu. Akachizenga sona ichighemo icha Mwene chicho chikaba kuntazi ukwa ntanda iya Nyumba iya Mwene.

2 Imbili 33:8

Ntakwiza pakubefya sona aba Izilayeli muchisu chicho nkabapa abanyenya babo, nanti bakughakonka amalamulo ghane ghosi sona ni Ndaghilo zyosi zizyo umubombi wane u Mozesi akabapa.”

2 Imbili 34:33

U Yosiya akefyamo ivifwani vyosi ivyakukozya isoni muvigaba vyosi mu Izilayeli, sona akabalamula bosi babo bakikalagha mulamula ukuti bamubombelaye u Mwene u Chala wabo. Pakabalilo kosi aka bumi bwache, abantu bakamubombelagha u Mwene u Chala uwa banyenya babo.

Yesaya 31:6

Mwee ba Izilayeli nyokela kukwache yuyo mumusamubukiye.

Yelemiya 15:19

U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Yelemiya 15:4

Nkwiza pakubapela abantu aba mu Yuda pakuba chintu chakoghofya mubumwene bosi ubwa muchisu ichapasi pachifukwa icha vivyo u Manase u mwana uwa Hezekiya u mwene uwa ba Yuda akabomba mu Yelusalemu.

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Yelemiya 25:5

Abalaghuzi bala bakati, “Umuntu wesi mumwinyu ayileke inkalo yache imbibi sona ni zila zyache imbibi, po mukwiza pakwikala muchisu chicho u Mwene akabapa amwe na banyenya binyu mupaka bwila na bwila.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 3:14

U Mwene akuti, “Nyokela kukwane mwe bantu abasita kusubiliwa, pakuti ane ne mulume winyu. Nkwiza pakumusenda weka ukufuma mukaya koka sona babili ukufuma muluko loka ukubuka namwe ku Ziyoni.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 7:3

U Mwene Uwamaka Ghosi, u Chala uwa Izilayeli akuti: Yannya inkalo zyinyu ni mbombo zyinyu, po nkwiza pakubitikizya pakwikala pabuzilo ubu.

Yelemiya 7:5

“ ‘Nanti naloliloli mukuyannya inkalo zyinyu ni mbombo zyinyu sona mukulongelana mubugholosu,

Yelemiya 7:7

po nkwiza pakubitikizya pakwikala pabuzilo bunubu, muchisu chicho nkabapa abanyenya binyu ukuti chibanje chabo bwila na bwila.

Ezekiyeli 11:18

“Bo banyokela babaghiye pakwefyamo ubunyazu bosi sona ni vifwani ivyamwiko.

Ezekiyeli 18:13

Akukopezya abantu indalama ukuti akabilepo izyapamwanya inyinji nkani. Nkimba umuntu yunuyu akwiza pakuba nubumi? Awe! Pachifukwa ichakuti abomba ivintu ivyamwiko, naloli akwiza pakufwa, lo lufundo lulo lumubaghiye.

Ezekiyeli 43:9

Ilelo bafumyemo ubwamalaya bwabo nivifwani ivya bamwene babo, po nkwiza pakwikala pakasi papabo bwila na bwila.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 2:2

Muchemele unyoko, muchemele, pakuti ate muchi wane, sona nane inte ne mulume wache. Umubuzye ukuti aleke ubwamalaya bwache, sona nu bulowe bubo ali nabo.

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Zekaliya 1:4

Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Ukukumbusya Amalamulo 27:15

“Aghuniwanje ufundi wesi yuyo akubiza, pamo akumata ichifwani ichamwiko nukuchichindika kubusyefu, pakuti u Mwene avibengite ivintu vivyo vipangiwe ni nyobe izya bantu.” Po abantu bosi bamule batinji, “Ameni.”

Ukukumbusya Amalamulo 4:30

Nanti mwakomana nintamyo, sona nanti ivintu vyosi vinivi vikababonekela, pisinda pache mukwiza pakunyokela kwa Mwene u Chala winyu nukumwivwila.

Yoshwa 24:14

“Polelo mumunyile u Mwene nukumubombela mubwanaloli bwinyu bosi. Mwefyemo abachala abanji babo abanyenya binyu bakabiputagha mulubazu lwalusoko ulwa Yufuleti na mu Ijiputi, po mumubombelaye u Mwene.

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.

1 Samuweli 7:3

U Samuweli akababuzya aba Izilayeli bosi akati, “Nanti mukulonda pakunyokela kwa Mwene nu moyo winyu ghosi, mubefye abachala abayeni, ni vifwani ivya Ashitoleti. Mumubombelaye u Mwene nu moyo winyu ghosi, po akwiza pakubapoka munyobe izya ba Filisiti.”