Yelemiya 39:8 - IBAYIBOLO 2024

⁸ Abantu aba Babiloni bakayocha inyumba iya bumwene ni nyumba izya bantu nukulimongolannya ilinga ilya Yelusalemu.

Yelemiya 39:8 Iomraidhean Croise

2 Abamwene 25:8

Pisiku ilyaseveni ilya mwezi uwafayivi, mumwaka uwa 19 bo u mwene u Nebukadineza akulaghila mu Babiloni, u Nebuzaladani usongo uwa balindilili aba kunyumba iya bumwene, lilyo likaba likambala ilya mwene uwamu Babiloni, akiza mu Yelusalemu.

2 Imbili 36:19

Bakayocha Inyumba iya Chala nukumongolannya ulupaso ulwa Yelusalemu. Bakocha inyumba zyosi izya bumwene nukunangannya ivintu vyosi ivyamutengo vivyo vikaba mulamula.

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Masalimo 79:7

Pakuti babaghogha abantu aba Yakobo, sona bachinangannya ichisu chabo.

Yesaya 5:9

U Mwene Uwamaka Ghosi alamula bo nane nkwivwa ukuti, “Naloli inyumba inkulu nkani zikwiza pakuba visami, inyumba inkulu inyiza nkani zitakwiza pakuba na bantu.

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 21:10

Nadumula ukuti ntakwiza pakukabombela akaya akakulu nkani aka ichintu ichiza loli ichintu ichibibi. Kakwiza pakubikiwa kwa mwene uwamu Babiloni, sona kakwiza pakochiwa numoto.’ ”

Yelemiya 32:29

Abantu aba ku Babiloni babo bakulwa nakaya akakulu nkani aka bakwiza pakukocha numoto poka ni nyumba zyosi kuko abantu bakankalalizya bo bakumochela u Baala utwakununkila pamwanya pachisonje sona nukupungulila ichakwiyipa icha vinyo ku bachala abanji.

Yelemiya 34:2

“Buka kwa Zedekiya u mwene uwa ku Yuda nukumubuzya ukuti: U Mwene u Chala uwa ku Izilayeli akuti, ‘Nkwiza pakukabika akaya akakulu aka munyobe izya mwene uwa Babiloni sona akwiza pakukocha numoto.

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 37:10

Napapo mungabapota abasilikali bosi aba ku Babiloni babo bakulwa namwe, sona napapo bangasyalapo muvisakasa vyabo abavulale, pope bulo bangiza nukukocha numoto akaya akakulu nkani kanaka.”

Yelemiya 38:18

Loli nanti utakwiyipa kumakambala agha mwene uwa ku Babiloni, akaya akakulu nkani aka kakwiza pakubikiwa munyobe izya bantu aba ku Babiloni sona bakwiza pakukocha numoto, awe wemwene utakwiza pakupona munyobe zyabo.”

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Nkuto 1:10

Umulwani akamufyula ubukabi bwache bosi, sona akazyennya inko izinji zikwinjila mubuzilo bwache ubuzelu, bubo ukazikanizya ukuti batakinjilemo.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nkuto 2:7

U Mwene achisulannya ichighemo chache, sona abukana ubuzilo bwache ubuzelu. Avibika munyobe izya balwani, ivibumba ivya nyumba zyache izya bumwene. Ichongo chikivwika mu Nyumba iya Mwene, nkaninkani pisiku ilya lusekelo.

Ezekiyeli 16:41

Bakwiza pakocha inyumba zyako nukukufundila pamaso pabakolo abinji. Nkwiza pakumazya ubwamalaya bwinyu sona mutakwiza pakuvilipila ivighane vyinyu.

Ezekiyeli 23:47

Ichilundilo chikwiza pakubasumba na mabwe nukubaghogha na bapanga, bakwiza pakubaghogha abana babo abalumendo na balindu nukocha inyumba zyabo.

Ezekiyeli 33:21

Pisiku ilyafayivi, mumwezi uwa 10, mumwaka uwa 12 bo bakubuka kubuzya, umuntu yumo yuyo akachimbila ku Yelusalemu akiza nukumbuzya ukuti, “Akaya akakulu nkani kawiye!”

Amosi 2:5

Nkwiza pakubawisizya umoto abantu aba mu Yuda, ghugho ghukwiza pakughalungulizya amalinga agha mu Yelusalemu.”

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.