Yelemiya 39:7 - IBAYIBOLO 2024

⁷ Pisinda pache akakolompola amaso agha Zedekiya nukumupinya ni mpingu izya mukuba nukubuka nawe ku Babiloni.

Yelemiya 39:7 Iomraidhean Croise

2 Abamwene 25:7

Bakabaghogha abana abalumendo aba Zedekiya pamaso papache. Bakamukolompola amaso ghache nukumupinya ni mpingu izya mukuba, po bakabuka nawe ku Babiloni.

Masalimo 119:8

Nkwiza pakughakonka amalamulo ghako, po utakandekaye nemwene.

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 34:3

Utakwiza pakuponapo munyobe zyache. Loli ukwiza pakulemiwa nukubikiwa munyobe zyache. Ukwiza pakumwennya u mwene uwa ku Babiloni na maso ghako, sona akwiza pakunena nawe pamaso na pamaso. Po akwiza pakukusenda nukubuka nawe ku Babiloni.

Yelemiya 44:30

Umu momumo u Mwene akunenela: Nkwiza pakumubika u Falabo u Hofula u mwene uwamu Ijiputi munyobe izya balwani, babo bakubulondelezya ubumi bwache, ngati mumo nkamubikila u Zedekiya u mwene uwa Yuda munyobe izya Nebukadineza u mwene uwamu Babiloni, yuyo akalondagha pakumughogha.’ ”

Yelemiya 52:11

Pisinda pache akamukolompola u Zedekiya amaso ghache nukumupinya ni mpingu izya mukuba nukubuka nawe ku Babiloni. U Zedekiya akikala mujele mupaka pisiku lilyo akafwila.

Ezekiyeli 12:13

Nkwiza pakumukuzulila ichilepa chane, sona akwiza pakulemiwa muchipingo chane, nkwiza nawe ku Babiloni, kuchisu icha bakaladeya, loli atakwiza pakuchennya, po akwiza pakufwila kulakula.

Abalongi 16:21

Po aba Filisiti bakamulema, bakamukolompola amaso ghache nukubuka nawe ku Gaza. Bakamupinya ni minyololo iya mukuba. Kulakula bakamubika pakusya amalezi palwala mujele.