Yelemiya 39:6 - IBAYIBOLO 2024

⁶ U mwene uwa ku Babiloni akabaghogha abana abalumendo aba Zedekiya pa Libila bo u wise akwennya na maso ghache. Akabaghogha sona amakambala ghosi agha mu Yuda.

Yelemiya 39:6 Iomraidhean Croise

Ubwandilo 21:16

Akayitantama impanya yila amamita 100 nukwikala pasi nukuti, “Ntangamwenelezya bulo bo umwana wane ali pakufwa, awe.” Bo achili ikaye pasi palapala, umwana yula akanda pakulila.

Ubwandilo 44:34

Nkimba ninganyokela bulibuli kukaya nanti umulumendo uyu asyala kuno? Nkunyila umukosi ghugho ghungamuwila utata wane.”

2 Abamwene 22:20

Polelo ukwiza pakufwa nukusyiliwa mumutende. Amaso ghako ghatakwiza pakuzyennya intamyo zyosi zizyo nkwiza pakukawisizya akaya akakulu nkani kanaka.’ ” Po abantu bala bakanyokela nukumubuzya u mwene amazyu ghanagha.

2 Abamwene 25:7

Bakabaghogha abana abalumendo aba Zedekiya pamaso papache. Bakamukolompola amaso ghache nukumupinya ni mpingu izya mukuba, po bakabuka nawe ku Babiloni.

2 Imbili 34:28

Losi ulu ukwiza pakufwa, nukusyiliwa mumutende. Amaso ghako ghatakwiza pakuzyennya intamyo zyosi zizyo nkwiza pakukawisizya akaya akakulu nkani kanaka, sona na bantu babo bakwikala mulamula.’ ” Po abantu bala bakanyokela nukumubuzya u mwene amazyu ghanagha.

Esitele 8:6

Nkimba ningajimba bulibuli pakubennya abakamu bane bakunanganika? Nkimba ningajimba bulibuli pakubennya abakamu bane bakughoghiwa?”

Yesaya 13:16

Ababonda babo bakwiza pakubamiziwa pasi bo abapapi babo bakwennya, inyumba zyabo zikwiza pakufyuliwa nukubalema pamaka abachi babo.

Yesaya 34:12

Kulakula abasongo batakwiza pakuba bo babo bene, amakambala ghache ghakwiza pakuzyebeluka bulo.

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 21:7

Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 34:3

Utakwiza pakuponapo munyobe zyache. Loli ukwiza pakulemiwa nukubikiwa munyobe zyache. Ukwiza pakumwennya u mwene uwa ku Babiloni na maso ghako, sona akwiza pakunena nawe pamaso na pamaso. Po akwiza pakukusenda nukubuka nawe ku Babiloni.

Yelemiya 38:23

“Abachi binyu bosi sona na bana binyu bosi bakwiza pakubikiwa munyobe izya bantu aba ku Babiloni. Sona nawe bulo utakwiza pakupotwa pakuwa munyobe zyabo loli ukwiza pakulemiwa nu mwene uwa ku Babiloni, sona akaya akakulu nkani aka kakwiza pakochiwa.”

Yelemiya 52:10

U mwene uwa ku Babiloni akabaghogha abana aba Zedekiya pa Libila, bo u wise akwennya na maso ghache, sona akaghaghogha na makambala ghache ghosi agha ku Yuda.

Ezekiyeli 23:24

Po bakwiza pakwiza ni vilwilo ni ngolo izya bwite ni ngolo izya katundu ni chiludilo icha bantu ukufumila kumbazu zyosi, bo balemite ingulu inkulu ni nandi ni visote. Nkwiza pakukubika munyobe zyabo ukuti bakufunde, po bakwiza pakukufunda ukuyana ni ndaghilo zyabo.

Ezekiyeli 24:5

usendepo ing'ozi yoka, pakasi pa ng'ozi inyiza, ubikeko inkwi kuntende, po uyileke inyama, yipyanje poka na mafupa.

Zefaniya 1:8

“Pisiku ilyachakwiyipa icha Mwene, nkwiza pakughafunda amakambala nabana bamwene, sona nabantu babo bakubomba inyiho injeni.

Ukukumbusya Amalamulo 28:34

Ivintu vivyo ukuvyennya na maso ghako vikwiza pakukupennya.