Yelemiya 39:18 - IBAYIBOLO 2024

¹⁸ Nkwiza pakukupoka, utakwiza pakufwila kubwite awe, loli ukwiza pakubupoka ubumi bwako pachifukwa ichakuti unsubiye.’ Ane ne Mwene nanena.”

Yelemiya 39:18 Iomraidhean Croise

1 Imbili 5:20

U Chala akabavwa pakulwa ubwite naba Hagili, poka na balwani babo pachifukwa ichakuti bakamulaba ukuti abavwe. Po u Chala akabamula ulwiputo lwabo pakuti bakamusubila.

Yobu 5:20

Pakabalilo aka zala, akwiza pakukutabula kubufwe, pakabalilo aka bwite, akwiza pakukupoka kwa panga.

Masalimo 147:11

U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 33:18

Loli amaso agha Mwene ghali pabantu babo bakumuchindika, kokuti abantu babo bamusubiye, pachifukwa icha lughano lwache, lulo lutakupotwangapo nalumolumo.

Masalimo 34:22

U Mwene akubapoka ababombi bache, sona atalipo nayumoyumo umuntu yuyo akuchimbilila kukwache akwiza pakufundiwa.

Masalimo 37:3

Umusubilaye u Mwene, nukubomba inyiza, ikala muchisu nukwilagha ubumi ubwiza.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Masalimo 91:7

Abantu 1,000 baghoghiwanje papipi nawe, sona bope abantu 10,000 babo bali kunyobe yako indilo, loli awe utakwiza pakuvulala.

Yesaya 26:3

Awe we Mwene we ukubapa umutende uwakufikapo, pabantu babo bakulemasizye pachifukwa ichakuti bakusubiye.

Yelemiya 21:9

Umuntu wesi yuyo akwikala mukaya akakulu nkani aka, akwiza pakughoghiwa nupanga, nizala pamo ni chiwaya. Loli bosi babo bakwibika munyobe izya ba Babiloni babo bakubavwima, bakwiza pakuba nubumi.

Yelemiya 38:2

“Umu momumo u Mwene akunenela: Wesi yuyo akwikala mukaya akakulu nkani aka akwiza pakughoghiwa nu bwite, nizala pamo ichiwaya, loli wesi yuyo akufumamo nukubuka kuba Babiloni akwiza pakuba mumi.

Aba Loma 2:12

Abantu bosi babo banangite ukusita kumanya Indaghilo, bakwiza pakuzimila napapo batazimenye Indaghilo. Sona bosi babo banangite bo bazimenye Indaghilo, bakwiza pakulongiwa ukuyana ni Ndaghilo.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.