Yelemiya 39:16 - IBAYIBOLO 2024

¹⁶ “Buka umubuzye u Ebedimeleki umu Etiyopiya ukuti, umu momumo u Mwene Uwamaka Ghosi, u Chala uwa Izilayeli akunenela akuti, ‘Indi papipi pakughakwanilisya amazyu ghane aghakukasusya akaya akakulu nkani aka ukwendela muchintu ichibibi, te bukabi awe. Pakabalilo kalakala ghakwiza pakukwanilisiwa pamaso ghako.

Yelemiya 39:16 Iomraidhean Croise

2 Imbili 36:21

Izi zikabombiwa pakukwanilisya amazyu agha Mwene ghagho akamubuzya u Yelemiya ukuti, “Ichisu chikwiza pakuba na Maka Aghakutuzya sona chikwiza pakuba nkolongo amaka 70 ukuyana namumo umulaghuzi akanenela.”

Masalimo 92:11

Amaso ghane ghennya ukupotwa ukwa balwani bane, nivwa nukwivwa na makutu ghane ukulila ukwa balwani bane.

Yelemiya 26:15

Loli mumanye ukuti nanti mwangogha, po amwe mwebenecho poka nakaya akakulu nkani, sona napa bantu babo bakwikala mumo mukwiza pakwisendela mwebene inongwa iya kukupula ibanda lilyo lite ninongwa nayimoyimo pakuti nubwanaloli bosi u Mwene antumite kukwinyu ukuti imbasoke.”

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 26:20

Akabapo sona umuntu uyunji yuyo akalaghulilagha mwitabwa ilya Mwene, itabwa lyache akaba we Uliya umwana uwa Shemaya uwamu Kiliyati Yeyalimu, wepe akalaghula zizyo zikwiza pakukabonekela akaya akakulu nkani sona ni chisu ichi ukuyana namumo u Yelemiya akabombela.

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 35:17

“Polelo, u Mwene u Chala Uwamaka Ghosi, u Chala uwa Izilayeli akuti, ‘Teghelezya! Nkwiza pakubanangannya aba Yuda na bantu bosi babo bakwikala mu Yelusalemu, pachifukwa ichakuti batakanyivwila bo nkunena nabo, batakanyamula bo nkubitizya.’ ”

Yelemiya 36:31

Nkwiza pakumufunda poka nabaluko lwache sona na makambala ghache pachifukwa icha bubibi bwabo. Nkwiza pakubizila nintamyo abantu babo bakwikala mu Yelusalemu na mu Yuda pachifukwa ichakusita kwivwila.’ ”

Yelemiya 40:3

Sona ilelo u Mwene achikwanilisya. Abomba ngati mumo akanenela ukuti akwiza pakuchibomba. Chosi ichi chikabombiwa pachifukwa ichakuti mwe bantu mukamubombela imbibi u Mwene sona mutakamwivwila.

Yelemiya 44:27

Nkwiza pakwenelezya ukuti imbabombele ichintu ichibibi, ntakwiza pakubabombela inyiza. Aba Yuda babo bali mu Ijiputi bakwiza pakuzimila nu bwite nizala mupaka bosi bananganike.

Yelemiya 5:14

Polelo izi zyo zizyo u Mwene u Chala Uwamaka Ghosi akunena, “Pachifukwa ichakuti abantu banena amazyu ghanagha, nkwiza pakughapela amazyu agha mumulomo wako pakuba moto ghugho ghukwiza pakubocha abantu banaba ngati nkwi.”

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Amosi 9:4

Napapo bangalemiwa pakuba bazya na balwani babo, kulakula nkwiza pakulamula ukuti baghoghiwe nupanga. Nkwiza pakubalolotela ukuti imbabombele ichintu ichibibi, ntakwiza pakubabombela ichiza.”

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.