Yelemiya 39:10 - IBAYIBOLO 2024

¹⁰ Loli u Nebuzaladani usongo uwa balindilili, akabaleka kwisinda bamo babo bakaba bapina nkani sona na bantu babo batakaba na kantu nakamokamo muchisu icha Yuda, sona akabapa amaghunda agha mampesya ni mighunda iyinji.

Yelemiya 39:10 Iomraidhean Croise

2 Abamwene 25:12

Loli usongo uwa balindilili yula akabaleka abantu bamo abapina nkani kwisinda muchisu chila, ukuti balimaye mumaghunda agha mampesya sona na maghunda aghanji.

Yesaya 7:21

Pisiku lilalila, umuntu akwiza pakuyisunga impampali inyumi sona ni mbuzi zibili.

Yelemiya 40:10

Ane nemwene nkwiza pakwikala mukaya aka Mizipa pakuba mwimilili winyu pantazi paba Babiloni babo bakwiza kukwitu, loli amwe musende u vinyo ni vikomwa sona na mafuta nukuvibika musonta izyakubikilamo nukwikala mutwaya utukulu tuto mwatufyula.”

Yelemiya 40:7

Bakabapo bamo abalongozi na basilikali aba Chiyuda babo batakiyipa bene. Bakivwa ukuti u mwene uwamu Babiloni akamwimika u Gedaliya umwana uwa Ahikamu pakuba mulongozi uwa chisu nukuti abenelezyanje abanavuli na bakolo sona na bana babo bakaba bapina nkani muchisu chila sona babo batakalemiwa pakuba bazya ku Babiloni.

Yelemiya 43:6

Abantu banaba bakaba bo aba: Abanavuli bosi na bakolo bosi na bana bosi sona na bana abalindu abamwene babo u Nebuzaladani umulongozi usongo uwa balindilili akabaleka nu Gedaliya umwana uwa Ahikamu, umwana uwa Shafani. Bakamusenda sona u mulaghuzi u Yelemiya nu Baluki umwana uwa Neliya.

Yelemiya 52:16

Loli u Nebuzaladani akabaleka abantu bamo abapina nkani kwisinda muchisu chila, ukuti balimaye mumaghunda agha mampesya sona na maghunda aghanji.

Ezekiyeli 33:24

“Wee mwana uwa muntu, abantu babo bakwikala muvisami ivya muchisu icha Izilayeli bakuti, ‘U Abulahamu akaba bulo mwene loli pope bulo u Chala akamupa ichisu chosi, aswe twe binji, naloliloli ichisu ichi chipeghiwe pakuba chitu ni chitu.’

Zekaliya 11:7

Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila.