Yelemiya 38:5 - IBAYIBOLO 2024

⁵ U mwene u Zedekiya akabamula akati, “Ali munyobe zyinyu, U mwene atangabombapo nachimochimo ichakubasusya.”

Yelemiya 38:5 Iomraidhean Croise

2 Samuweli 19:22

U Devedi akamula akati, “Nkimba zikubapalamasya bulibuli amwe mwe bana aba Zeluya ukuti ilelo mubanje mwe balwani bane? Nkimba ilelo umuntu yumo abaghiye pakughoghiwa mu Izilayeli muno? Fwandi intazimenye ukuti ilelo ne mwene uwa ba Izilayeli?”

2 Samuweli 3:39

Ilelo inte na maka sona, napapo ne mwene umupakiwa, sona abana aba Zeluya bamaka nkani ukunchila. U Mwene amutanizye umuntu umubibi yunuyu ukuyana nu bubibi bwache.”

Ivyili 29:25

Ukubanyila abantu kuli ngati cho chipingo, loli yuyo akumusubila u Mwene akuba pabwiza.

Yelemiya 26:14

Loli ane indi munyobe zyinyu, mbombela chosi chicho mukwinong'ona ukuti chiza sona chigholosu.

Yelemiya 37:17

Po u mwene u Zedekiya akamwitizya u Yelemiya nukumupokela munyumba yache iya bumwene mumo akamulalusya bo bali bene bulo akati, “Nkimba ghalipo ghamo amazyu ghagho u Mwene akubuzizye?” U Yelemiya akamula akati, “Ghalipo, ukwiza pakubikiwa munyobe izya mwene uwa ku Babiloni.”

Daniyeli 6:16

Po u mwene akalamula ukuti bamusende u Daniyeli nukumusumbila muchiliba icha nkalamu chila. U mwene yula akamubuzya u Daniyeli akati, “U Chala wako yuyo ukumwiputa akupokaye!”

Daniyeli 6:17

Bakiza nibwe, po bakighalilapo pamulyango uwa chiliba chila, u mwene akadindapo ni chidindo chache sona nicha makambala ghache, umwakuti patakabapo umuntu nayumo uwakwandulapo zimo ukuyana nizya Daniyeli.

1 Samuweli 15:24

Po u Sabuli akamubuzya u Samuweli akati, “Nananga, ane ntakaghivwila amalamulo agha Mwene, sona ntakabomba zizyo akambuzya. Nkabanyilagha abantu, po nkabomba zizyo bakalondagha.

1 Samuweli 29:9

U Akishi akamula akati, “Inzimenye ukuti wame muntu umusubiliwa kukwane ngati wantumi uwa Chala. Loli abamwene abanji batakulonda ukuti ubuke poka naswe kubwite.