Yelemiya 37:3 - IBAYIBOLO 2024

³ U mwene u Zedekiya, akamutuma u Yehukala u mwana uwa Shelemiya poka nu muputi u Zefaniya umwana uwa Maseya kwa Yelemiya umulaghuzi na mazyu aghakuti, “Twapela, mutwiputile kwa Mwene u Chala witu.”

Yelemiya 37:3 Iomraidhean Croise

1 Abamwene 13:6

U mwene akamubuzya umulaghuzi yula akati, “Wee undambilizizyeko kwa Mwene u Chala wako, sona unyiputile ukuti inyobe yane yipole.” Umulaghuzi yula akamulambilizizya kwa Mwene, po inyobe yache yikapola.

Ukufuma 10:17

Losi ulu nalamba muhobokele pakabalilo kanaka ukunanga kwane nukunyiputila kwa Mwene u Chala winyu ukuti anyefezyeko ichiwaya ichakoghofya ichi.”

Ukufuma 8:28

U Falabo akati, “Nkwiza pakubitikizya ukuti mubukaye pakubika ivyakwiyipa kwa Mwene u Chala winyu munkolongo, loli mutakabukaye kubutali nkani. Po munyiputile.”

Ukufuma 8:8

U Falabo akamwitizya u Mozesi nu Aloni nukuti, “Iputa kwa Mwene ukuti efyeko abachula kukwane na ku bantu bane, po nkwiza pakubitikizya abantu bako ukuti babukaye pakubika ivyakwiyipa kwa Mwene.”

Ukufuma 9:28

Iputa kwa Mwene ukuti ukupaya ni vula iya mabwe vileke, po nkwiza pakubitikizya ukuti mubukaye. Amwe mutabaghiye pakwikala sona kuno.”

Yelemiya 15:11

U Mwene akamula akati, “Naloliloli nkwiza pakukupoka umwakuti ube akiza, momumo abalwani bako bakwiza pakukulaba pakabalilo akantamyo naka vitima.

Yelemiya 2:27

Bakunena kwikwi bakuti, ‘Awe we tata wane,’ sona na kumabwe bakuti, ‘Wewe ukampapa.’ Bampiye inkonto, sona batakunyennya, loli mukabalilo kabo akantamyo, bakuti, ‘Zagha utupoke!’

Yelemiya 29:21

U Mwene Uwamaka Ghosi, u Chala uwa Izilayeli, akunena nizya Ahabu umwana uwa Koliya nu Zedekiya umwana uwa Maseya, yuyo akulaghulila mwitabwa lyane ivyabumyasi akuti, “Nkwiza pakubabika munyobe izya Nebukadineza u mwene uwa Babiloni, po akwiza pakubaghogha bo mukwennya na maso ghinyu.

Yelemiya 29:25

“U Mwene Uwamaka Ghosi, u Chala uwa Izilayeli, akambuzya zizyo zikwiza pakumubonekela u Shemaya, yuyo akaba wabamo uwa bantu bitu aba mu Babiloni. Bo ukalata wane afika mu Babiloni, u Shemaya akabasimbila u kalata abantu aba mu Yelusalemu poka nu muputi u Zefaniya umwana uwa Maseya sona na baputi bosi abanji:

Yelemiya 37:17

Po u mwene u Zedekiya akamwitizya u Yelemiya nukumupokela munyumba yache iya bumwene mumo akamulalusya bo bali bene bulo akati, “Nkimba ghalipo ghamo amazyu ghagho u Mwene akubuzizye?” U Yelemiya akamula akati, “Ghalipo, ukwiza pakubikiwa munyobe izya mwene uwa ku Babiloni.”

Yelemiya 37:7

“Umubuzye u mwene uwa ba Yuda: U Chala uwa ba Izilayeli yuyo akakutuma ukuti wize ulabe amahala kukwane ukuti, ‘Abasilikali aba Falabo babo bakiza pakukwavwa, bakwiza pakunyokela kuchisu ichabo ni chabo icha Ijiputi.

Yelemiya 38:1

U Shefatiya umwana uwa Matani nu Gedaliya umwana uwa Pashuli nu Yukala umwana uwa Shelemiya sona nu Pashulu umwana uwa Malikiya, bakivwa zizyo u Yelemiya akababuzyanga abantu bosi bo akuti,

Yelemiya 42:1

Po bosi abalongozi aba basilikali, poka nu Yohanani umwana uwa Kaleya nu Yezaniya umwana uwa Hoshaya, sona na bantu bosi ukwandila ku banandi mupaka ku basongo bakamufika umulaghuzi u Yelemiya,

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Yelemiya 52:24

Usongo uwa balindilili yula akamulema u Selaya usongo uwa baputi nu Zefaniya uwabubili uwa muputi usongo, sona na balindilili batatu aba pamulyango.

Ukubelengiwa 21:7

Abantu bala bakiza kwa Mozesi nukumubuzya ukuti, “Tukananga pakususannya nu Mwene poka nawe bulo. Iputa kwa Mwene ukuti efye injoka zinizi.” Po u Mozesi akabiputila abantu bala.

Imbombo 8:24

U Simoni akanena kwa Pitala nu Yohani akati, “Napela, munyiputilaye kwa Mwene ukuti nachimochimo icha vintu vivyo mwanena chitakambonekele.”

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”