Biblia Todo Logo
Bìoball air-loidhne

- Sanasan -




Yelemiya 36:3 - IBAYIBOLO 2024

3 Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Faic an caibideil Dèan lethbhreac




Yelemiya 36:3
35 Iomraidhean Croise  

Loli nanti munganyokela kukwane nukughakonka amalamulo ghane, napapo abantu binyu babo bali kubuzya bangaba kubutali nkani, nkwiza pakubabungannya poka nukwiza nabo kubuzilo bubo nkabusala ukuti inchindikiliwanjemo.’


Ennya nanti muli ububibi bumo mumwane, po undongozyezye muzila iya bwila na bwila.


Po akambuzya akati, “Ughapelaye amoyo agha bantu banaba ukuti ghabanje makafu, amakutu ghabo ghabanje namapuli, ubapelaye ukuti babanje bafwamaso, ukuti lumo bangennya na maso ghabo pamo ukwivwa na makutu ghabo, sona nukuvwisya na moyo ghabo, ukuti bapinduke nukupola.”


“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’


po nanti uluko ulwa bantu lulo nalusoka lukupinduka nukubuleka ububibi bwache, po nane ntakwiza pakulunangannya ukuyana namumo nkinong'onelagha.


Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”


Nkwiza pakubapa u moyo uwakuzimanya ukuti ne Mwene. Bakwiza pakuba bantu bane, nane nkwiza pakuba ne Chala wabo, pakuti bakwiza pakunyokela kukwane nu moyo wabo ghosi.


Lumo bangateghelezya nukunyokako, po umuntu wesi angabuleka ububibi bwache, umwakuti indeke pakubapa ulufundo lulo natinji imbafunde nalo pachifukwa icha bubibi bubo babombite.


Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.


Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”


“Polelo, wee mwana uwa muntu, nyamula ukatundu wako ngati muntu yuyo akubuka kubuzya po ubuke kubuzya pamusanya bo bali pakukwennya, ubuke ukufuma kubuzilo bubo uliko nukubuka kubuzilo ubunji. Lumo bangakwivwa, napapo bantu basambuke.


U Mwene Uwamaka Ghosi akuti: Nkimba nkuhoboka nimfwa iya muntu umubibi? Nkimba intangahoboka nanti azileka imbombo zyache imbibi nukuba mumi?


Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.


Pakuti amoyo ghabo makafu nkani, sona basindiye amakutu ghabo, basizilite amaso ghabo. Pakuti ngali amaso ghabo ghakwennya, amakutu ghabo ngali ghakwivwa ni nyinong'ono zyabo ngali zikwivwisya. Po ngali bapindukila kukwane, u Chala akunena, ngali imbapozizye.’


ukuti, ‘Bangennya nukwennya, loli bate bavyennyanje. Bangivwa nukwivwa, loli batangivwisya. Nanti bangamanya, bangapinduka nukuzileka imbibi zyabo, po u Chala angabahobokela imbibi zyabo.’ ”


Po umwenecho uwa mughunda yula akati, ‘Nkimba imbombe choni? Nkwiza pakutuma umwana wane umughaniwa, lumo bakwiza pakumuchindika.’


ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’


Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.


Pakuti amoyo agha bantu banaba makafu nkani. Basindiye amakutu ghabo, sona basizilite amaso ghabo. Papo ngali amaso ghabo ghakwennya, amakutu ghabo ngali ghakwivwa ni nyinong'ono zyabo ngali zikwivwisya po ngali bapindukila kukwane, ngali imbapozizye. Akunena zinizi we Chala.’ ”


Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,


sona nanti amwe na bana binyu mukunyokela kwa Mwene u Chala winyu, nukumwivwila na moyo ghinyu ghosi, sona nu muzimu winyu ghosi ukuyana na malamulo ghagho nkubapa ilelo,


Amwe mukwiza pakumwivwila sona u Mwene nukughakonka amalamulo ghache ghosi ghagho nkubapa ilelo.


Ane nalondagha nkani ukuti inyinong'ono zyabo ngali zili bunubu amasiku ghosi, sona nukuti ngali bakunchindika nukuzikonka indaghilo zyane zyosi, umwakuti ivintu vyosi vibendelaye akiza, poka na baluko lwabo bwila na bwila.


U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.


U Samuweli akababuzya aba Izilayeli bosi akati, “Nanti mukulonda pakunyokela kwa Mwene nu moyo winyu ghosi, mubefye abachala abayeni, ni vifwani ivya Ashitoleti. Mumubombelaye u Mwene nu moyo winyu ghosi, po akwiza pakubapoka munyobe izya ba Filisiti.”


Lean sinn:

Sanasan


Sanasan