Yelemiya 34:7 - IBAYIBOLO 2024

⁷ pakabalilo kalakala abasilikali abamwene aba ku Babiloni bakalwanga naba mu Yelusalemu sona nutwaya utukulu nkani utunji utwakusyalikila utwa mu Yuda, akaya aka Lakishi naka Azeka. Pakuti tunutu tukaba twaya twene utukulu nkani utwakusyalikila utwa malinga utwa mu Yuda.

Yelemiya 34:7 Iomraidhean Croise

2 Abamwene 14:19

Abantu bakabatika nizya kumughoghela mu Yelusalemu u Amaziya, po u Amaziya akachimbilila ku Lakishi, loli abalwani bache bakabatuma abantu ukuti bamukonke nukumughoghela kulakula.

2 Abamwene 19:8

Bo usongo uwa basilikali ivwa ukuti u mwene uwamu Asiliya epamo mu Lakishi, akaleka pakulwa ubwite nakaya akakulu nkani aka Libina.

2 Imbili 27:4

Akazenga utwaya utukulu nkani mumaghamba agha mu Yuda na malinga sona ni chitembe mumusitu.

Yesaya 36:2

Po u mwene uwamu Asiliya akamutuma usongo uwa basilikali poka ni chilundilo icha basilikali ukufuma ku Lakishi ukuti abuke kwa mwene u Hezekiya mu Yelusalemu. Usongo uwa basilikali yula akimilila papipi ni mpindulila iya mizi ghagho ghafumite ku chiziba ichakumitu, mumusebo uwakubukila kumughunda uwa muntu yuyo akuchapa amenda,

Yelemiya 11:12

Utwaya utukulu utwa Yuda sona na bantu aba mu Yelusalemu bakwiza pakubuka pakubalilila abachala abanji babo bakababikilagha ivyakwiyipa ivyakufukizya, loli batakwiza pakubapoka napo panandi pa kabalilo akantamyo.

Yelemiya 34:1

Bo u Nebukadineza uwa ku Babiloni poka na basilikali bache bosi sona amabumwene ghosi ghagho akaghapota, na bantu bosi babo akabalaghilagha, bakulwa nu Yelusalemu sona nutwaya utukulu tuto tukabazyungulila, u Mwene akamubuzya u Yelemiya akati,

Yelemiya 4:5

“Fumusya muchisu icha Yuda nicha Yelusalemu ukuti, ‘Lizya ipati muchisu chosi!’ Kolomoka nukuti, ‘Bungana poka! Zagha tuchimbilile mutwaya utukulu utwa malinga!’

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Mika 1:13

Amwe mwe mukwikala mu Lakishi, pinya ifalasi zyinyu kungolo izya bwite. Mukaba mwe bakwanda pakubapela abantu aba mu Ziyoni ukuti banangaye, pakuti imbibi izya ba Izilayeli zikaghiwa mumwinyu.

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.

Yoshwa 10:3

Po u Adonizedeki u mwene uwamu Yelusalemu akamutumila intumi u Hohamu u mwene uwamu Hebuloni nu Pilamu u mwene uwamu Yalimuti nu Yafiya u mwene uwamu Lakishi, sona nu Debili u mwene uwamu Egiloni. Akati,

Yoshwa 10:5

Po abamwene fayivi aba ba Amoli bala, kokuti u mwene wamu Yelusalemu nuwa mu Hebuloni nuwa mu Yalimuti nu mwene uwamu Lakishi sona nu mwene uwamu Egiloni bakapanga akabukatila koka aka basilikali. Abamwene bala bakababungannya poka abasilikali babo, po bakakazyungulila akaya aka Gibeyoni nukulwa nako ubwite.

Yoshwa 12:11

u mwene uwamu Yalimuti uwa bamo aba mu Lakishi

Yoshwa 15:35

naka Yalimuti naka Adulamu naka Soko naka Azeka

Yoshwa 15:39

naka Lakishi naka Bozikati naka Egiloni