Yelemiya 34:4 - IBAYIBOLO 2024

⁴ “ ‘Loli ivwa amazyu agha Mwene wee Zedekiya u mwene uwa ba Yuda akuti: Utakwiza pakufwila kubwite.

Yelemiya 34:4 Iomraidhean Croise

2 Imbili 18:18

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila kundilo na kumongo kwache.

Yelemiya 2:4

Wee luko ulwa Yakobo, ivwa amazyu agha Mwene, sona na mwe bosi abaluko ulwa Izilayeli.

Yelemiya 32:5

Akwiza pakumusenda u Zedekiya nukubuka nawe ku Babiloni kuko akwiza pakwikala mupaka amubombele zimo. Nanti mukulwa na bantu aba mu Babiloni, mutakwiza pakubapota.’ ”

Yelemiya 34:3

Utakwiza pakuponapo munyobe zyache. Loli ukwiza pakulemiwa nukubikiwa munyobe zyache. Ukwiza pakumwennya u mwene uwa ku Babiloni na maso ghako, sona akwiza pakunena nawe pamaso na pamaso. Po akwiza pakukusenda nukubuka nawe ku Babiloni.

Yelemiya 34:5

Loli ukwiza pakufwila mumutende. Ngati mumo abantu bakabikila utwakocha utwakununkila pakusyiliwa ukwa banyenya bako, babo bakaba bamwene bo awe uchili pakwinjila ubumwene, momumo bakwiza pakochela utwakununkila pakusyiliwa kwako nukukulila. Pakukwimbila inyimbo izya pafwa, bakwiza pakutinji, “U mwene witu afwa!” Ane ne Mwene nanena.’ ”

Yelemiya 7:2

“Imilila pamulyango uwa Nyumba iya Mwene nukulumbilila amazyu aghakuti, ‘Ivwa amazyu agha Mwene mwe bantu bosi aba mu Yuda mwe mukwinjila pamilyango iyi pakumwiputa u Mwene.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.