Yelemiya 34:11 - IBAYIBOLO 2024

¹¹ Loli pisinda pache bakanyosya inyinong'ono zyabo nukubanyosezya sona abazya bala mubuzya bwabo.

Yelemiya 34:11 Iomraidhean Croise

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Ukufuma 8:15

Loli bo u Falabo ennya ukuti abachula bala bafwa, pope bulo umoyo wache ghukaba mukafu nkani ukuyana namumo u Mwene akanenela, umwakuti atakamuteghelezya u Mozesi nu Aloni.

Ukufuma 8:8

U Falabo akamwitizya u Mozesi nu Aloni nukuti, “Iputa kwa Mwene ukuti efyeko abachula kukwane na ku bantu bane, po nkwiza pakubitikizya abantu bako ukuti babukaye pakubika ivyakwiyipa kwa Mwene.”

Ukufuma 9:28

Iputa kwa Mwene ukuti ukupaya ni vula iya mabwe vileke, po nkwiza pakubitikizya ukuti mubukaye. Amwe mutabaghiye pakwikala sona kuno.”

Ivyili 26:11

Umupunganu yuyo akunyokezya ubupunganu bwache, ayanite bulo nimbwa yiyo yikunyokela ku matapisi ghache.

Umulumbilili 8:11

Nanti bakukaba pakudumula inongwa iya bughoghi, amoyo agha bantu ghakubatika pakubomba ububibi.

Yelemiya 34:10

Po amakambala ghosi na bantu bosi bakivwila nukufinga ulufingo ulwakuti umuntu wesi abaghiye pakumusatula umuzya wache umwanavuli nu mukolo umwakuti batakabanje pasi pabulaghili bwabo.

Yelemiya 34:12

Po u Mwene akamubuzya u Yelemiya akati,

Yelemiya 34:16

Loli ilelo mukunena izinji nukulinyazya itabwa lyane. Mwebosi mukababombezya imbombo abantu babo mukabasatula, nukubapela sona pakuba bazya binyu.”

Yelemiya 34:21

“Nkwiza pakumubika u Zedekiya u mwene uwa ku Yuda poka namakambala ghache kubalwani babo aba Babiloni, babo bakubulondelezya ubumi bwabo, napapo baleka pakubavwima.

Yelemiya 37:5

Pisinda pache abasilikali aba Falabo bakepamo mu Ijiputi, po bo abantu aba mu Babiloni babo bakakazyungulila akaya aka Yelusalemu bivwa zinizi bakepamo mu Yelusalemu.

Hoseya 6:4

Mwe ba Efulayimu, nkimba imbombe namwe choni? Wee Yuda, nkimba imbombe ichoni namwe? Ulughano lwako luli ngati we kabefu uwa pandabindabi, ngati yo nganda iya kubuche yiyo yikuzyebeluka bulo.

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

1 Samuweli 24:19

Nanti umuntu amwagha umulwani wache, nkimba angamuleka bulo? Polelo u Mwene akupe umuvwalo umukulu pachifukwa icha vivyo wambombela ilelo.

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”