Yelemiya 34:10 - IBAYIBOLO 2024

¹⁰ Po amakambala ghosi na bantu bosi bakivwila nukufinga ulufingo ulwakuti umuntu wesi abaghiye pakumusatula umuzya wache umwanavuli nu mukolo umwakuti batakabanje pasi pabulaghili bwabo.

Yelemiya 34:10 Iomraidhean Croise

Ukufuma 21:2

“Nanti wamughula umuzya umu Hebeli, akubombelaye amaka sikisi. Loli umwabule mumwaka uwaseveni, mutakalipilepo nachimochimo ichintu.

Yesaya 29:13

U Mwene akuti, “Abantu banaba bakupalamila kukwane namalomo ghabo, nukunchindika ane nimilomo yabo, loli amoyo ghabo ghali kubutali nkani nane. Ukunchindika kwabo kwa ndaghilo, zizyo bamanyisiwe na bantu.

Yelemiya 26:10

Bo amakambala agha Yuda ghivwa nizya vintu vinivi bakafuma munyumba iya bumwene nukubuka ku Nyumba iya Mwene nukwikala pa Mulyango Umupya uwa Nyumba iya Mwene.

Yelemiya 26:16

Po amakambala na bantu bosi bakababuzya abaputi na balaghuzi bakati, “Umuntu uyu atakaghoghiwe! Pachifukwa ichakuti anenelagha mwitabwa ilya Mwene u Chala witu.”

Yelemiya 34:11

Loli pisinda pache bakanyosya inyinong'ono zyabo nukubanyosezya sona abazya bala mubuzya bwabo.

Yelemiya 34:19

Abalongozi aba mu Yuda naba mu Yelusalemu namakambala agha bumwene na baputi sona na bantu bosi aba muchisu bakendagha pakasi pavigaba vibili ivya ngwata yila,

Yelemiya 36:12

akika kuchipinda icha musimbi munyumba iya bumwene, kuko amakambala ghosi ghakikala: Umusimbi Elishama nu Delaya umwana uwa Shemaya nu Elinatani umwana uwa Akiboli nu Gemaliya umwana uwa Shafani nu Zedekiya umwana uwa Hananiya sona na makambala ghosi aghanji.

Yelemiya 38:4

Po amakambala ghakamubuzya u mwene ghakati, “Umuntu yunuyu aghoghiwanje. Muntu yumo yuyo akubamala amaka abasilikali ababwite babo balekiwe mukaya akakulu nkani aka poka na bantu bosi, pa vintu vivyo akubabuzya. Umuntu yunuyu atakubalondela abantu ubwiza loli ko kubavulazya.”

Aba Levi 25:10

Mughupaghulaye umwaka uwa 50, sona mufumusyanje ubwabuke muchisu chosi pakasi pabantu babo bakwikalamo. Ghubanje mwaka winyu uwa lusekelo, uwakuti umuntu wesi anyokelaye kubaluko lwache, sona umuntu wesi pakasi papinyu anyokelaye ku bamunyumba yache.

Maliko 6:20

U Helodi akamunyilagha u Yohani pakuti akazimanya ukuti u Yohani akaba muntu umwiza nu muzelu, po akamusunga akiza. Po nanti u Helodi ivwa amazyu agha Yohani atakabanga nu mutende mumoyo wache; loli pope bulo akighana pakumuteghelezya.