Yelemiya 34:1 - IBAYIBOLO 2024

¹ Bo u Nebukadineza uwa ku Babiloni poka na basilikali bache bosi sona amabumwene ghosi ghagho akaghapota, na bantu bosi babo akabalaghilagha, bakulwa nu Yelusalemu sona nutwaya utukulu tuto tukabazyungulila, u Mwene akamubuzya u Yelemiya akati,

Yelemiya 34:1 Iomraidhean Croise

Yelemiya 1:15

Indi papipi pakuzyitizya inko zyosi izya bumwene ubwa kumitu. Ane ne Mwene nanena. Abamwene babo bakwiza pakuvyikazya ivitengo vyabo ivya bumwene pamilyango iya kaya akakulu nkani aka Yelusalemu, sona bakwiza pakughazyungulila amalinga ghache nutwaya tosi utukulu nkani utwa Yuda.

Yelemiya 21:2

“Mutubuzikizyeko kwa Mwene pachifukwa ichakuti u Nebukadineza u mwene uwa chisu icha Babiloni akwiza nu bwite. Lumo u Mwene angatubombela ivyika ngati mumo akabombela kale, umwakuti u Nebukadineza angefiwako kukwitu.”

Yelemiya 32:1

U Mwene akanena nu Yelemiya mumwaka uwa 10 uwa bulaghili ubwa Zedekiya u mwene uwamu Yuda, ghugho ghukaba mwaka uwa 18 uwa bumwene ubwa Nebukadineza.

Yelemiya 32:2

Pa kabalilo kalakala abasilikali aba mu Babiloni bakakazyungulila akaya akakulu nkani aka Yelusalemu, po umulaghuzi u Yelemiya akighaliliwa muchipinda icha balindilili munyumba iya bumwene muchisu icha Yuda.

Yelemiya 34:7

pakabalilo kalakala abasilikali abamwene aba ku Babiloni bakalwanga naba mu Yelusalemu sona nutwaya utukulu nkani utunji utwakusyalikila utwa mu Yuda, akaya aka Lakishi naka Azeka. Pakuti tunutu tukaba twaya twene utukulu nkani utwakusyalikila utwa malinga utwa mu Yuda.

Daniyeli 4:1

Ane ne mwene u Nebukadineza. Nkubasimbila abantu bosi naba inko zyosi nuluko losi sona na baneno zyosi, babo bakwikala muchisu ichapasi. Mwaghona!

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.