Yelemiya 33:9 - IBAYIBOLO 2024

⁹ Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Yelemiya 33:9 Iomraidhean Croise

2 Imbili 20:29

Bo inko zyosi izinji zyivwa namumo u Mwene akalwilagha na balwani aba ba Izilayeli, bakanyila nkani.

Nehemiya 6:16

Bo abalwani bitu bosi, sona ninko impalamani bivwa zinizi, bakanyila nkani, sona amaka ghakabawila, pachifukwa ichakuti bakazyaghannya ukuti u Chala akaba weyuyo akatwavwa pakubomba imbombo yiniyi.

Esitele 8:17

Muchigaba chosi sona na mukaya kosi akakulu nkani, kosi kuko ululaghilo ulwa mwene lukafumuziwa, mukaba ukuhoboka nukusekela pakasi paba Yuda sona bakaba nu lusekelo ulukulu nkani. Abantu aba inko izinji bakanduka pakuba ba Yuda, pachifukwa ichakuti bakabanyilagha nkani aba Yuda bala.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 40:3

Mumulomo wane akabikamo ulwimbo ulupya, ulwimbo ulwakumupala u Chala witu. Abinji bakwiza pakuzyennya zinizi nukunyila, po bakwiza pakumusubila u Mwene.

Yesaya 43:21

Abantu babo nkimatila nemwene, ukuti bafumusyanje amapalo ghane!

Yesaya 55:13

Mubuzilo ubwa mivwa mukwiza pakumela amakwi agha payini, mubuzilo ubwa ntumbusya mukwiza pakumela amakwi aghamazwanga. Ichi chikwiza pakuba chimanyilo icha Mwene, icha bwila na bwila, chicho chitakwiza pakunanganika.”

Yesaya 60:5

Po ukwiza pakwennya nukusekela, umoyo wako ghukwiza pakunyelanyela nu lusekelo; ubukabi ubwa panyanja bukwiza pakwiza kukwako, sona nichuma icha inko chikwiza pakwiza kukwako.

Yesaya 62:1

Nkwiza pakunena nukubakazya aba mu Yelusalemu, ntakwiza pakuba bulo myee mupaka apokiwe, sona ubupoti bwache bukulama, ngati chikoka pabusiku.

Yesaya 62:12

Bakwiza pakwitiziwanga ukuti, “Abantu Abazelu aba Chala.” Abantu babo u Mwene abatabuye. U Yelusalemu akwiza pakwitiziwanga ukuti, “Akaya akakulu nkani kako u Chala akaghanite, akaya akakulu nkani kako u Chala atakalekite.”

Yesaya 62:4

Utakwiza pakuneniwa sona, ukuti we “Wakulekiwa,” pamo ichisu chako, ukwitiziwa ukuti, “Chisami.” Loli ukwiza pakwitiziwa ukuti, “U Chala ahobokite nawe.” Ichisu chako chikwiza, pakwitiziwa ukuti, “Sendwa.” Pachifukwa ichakuti, u Mwene ahobokite nawe, sona ukwiza pakuba, ngati we mulume kuchisu chako.

Yesaya 62:7

utakamupanje ubutuzyo mupaka amwikazye sona u Yelusalemu, nukukapela pakuba kakupaliwa muchisu chosi ichapasi.

Yesaya 64:2

Ngati mumo umoto ghukochela inkwi, nukughapela amizi ukuti ghasebukilaye, ika pasi ukuti itabwa lyako, limanyikwanje na balwani bako, nukuzipela inko ukuti zitetemaye pamaso papako!

Yelemiya 13:11

Pakuti ngati mumo ulamba akupinyiwa mu musana uwa muntu, momumo nkalondelagha ukuti aba Izilayeli sona naba Yuda bipinyilile bene kukwane umwakuti babanje bantu bane, ukuti balipalaye itabwa lyane nukulichindika. Loli batakivwila.”

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 26:6

po nkwiza pakuyipela inyumba iyi iyakwiputilamo pakuba ngati buzilo ubwa Shilo, sona nkwiza pakukapela akaya akakulu nkani aka pakuba chighune pakasi panko izya pachisu ichapasi.’ ”

Yelemiya 29:1

Agha gho mazyu agha mu kalata yuyo umulaghuzi u Yelemiya akatuma ukufumila ku Yelusalemu uwa kubuka ku basongo babo bakapona pakasi pabazya na baputi na balaghuzi na bantu abanji bosi babo u Nebukadineza akabuka nabo kubuzya ukufumila ku Yelusalemu pakubuka ku Babiloni.

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 3:19

U Mwene akuti, “Wee Izilayeli, nalondagha pakukupokela, ngati we mwana wane nukukupa ichisu ichiza nkani, ichilingo ichiza nkani ichakuchila icha inko zyosi. Ninong'onagha ukuti unyitizyanje ukuti, ‘Tata,’ sona nukuti utakwiza pakuleka pakunkonka.

Yelemiya 31:14

Nkwiza pakubikutizya abaputi ni vyakulya ivyinji, sona abantu bakwiza pakubizuzya na vyosi vivyo bakuvilonda. Ane ne Mwene nanena.”

Yelemiya 31:4

Nkwiza pakukuzenga sona, wee Izilayeli, umughaniwa wane, ukwiza pakuzengiwa sona. Po mukwiza pakusenda ivisekeseke, nukubuka pakujina umwabuhobosu.

Yelemiya 32:42

Ngati mumo nkabatumila abantu aba ntamyo, momumo nkwiza pakubapela umutende ghugho nkafingana nabo.

Yelemiya 33:14

Ane ne Mwene nanena. Amasiku ghakwiza ghagho nkwiza pakukwanilisya ulufingo lulo nkafingana naba Izilayeli, sona naba mu Yuda.”

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Yelemiya 44:8

Nkimba choni chicho mukunkalalizya ni mbombo zyinyu izya kubiputa abachala abanji sona mukubika ivyakwiyipa vyinyu ku bachala aba mukaya aka Ijiputi mumo mukwikala? Nkimba mukubomba zinizi ukuti mwinangannye mwebene, umwakuti inko izya muchisu ichapasi zibapele pakuba bantu abakusekiwa sona naba kughuniwa?

Yelemiya 49:25

Akaya akakulu nkani akamanyikwe kalekiwa, akaya akakulu kako nkuhoboka nako!

Ezekiyeli 26:20

po nkwiza pakukusumba pasi poka na babo bakubuka kwipumpa, abantu abakale. Nkwiza pakukwikazya kusi kuchisu, mubuzilo ubwakale nkani, poka na bantu babo bakubuka kubuzilo ubwabafwe, mutakwiza pakunyokela sona nayumo uwakwikala mukasi mumwako, pamo pakusenda ubuzilo bwako muchisu icha abantu abumi.

Ezekiyeli 36:35

Bakwiza pakunena ukuti, “Ichi cho chisu chicho chikaba chisami ilelo chaba ngati mughunda uwa Edeni, utwaya utukulu nkani tuto tukaba visami, sona tuto abantu batakwikalamo, tuto tukananganika, ilelo twaba malinga sona abantu bakwikalamo.”

Ezekiyeli 39:13

Abantu bosi aba muchisu bakwiza pakubavwa pakubasyila, sona isiku lilyo nachindikiwa likwiza pakuba lisiku ilyachikumbusyo kukwabo, u Mwene Uwamaka Ghosi anena.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Zekaliya 1:17

“Endelela pakufumusya bulo ukuti: U Mwene Uwamaka Ghosi ati, ‘Utwaya twane utukulu nkani tukwiza pakwizula ni vintu ivyiza, po u Mwene akwiza pakumusangalusya sona u Ziyoni nukumusala u Yelusalemu.’ ”

Zekaliya 12:2

“Ennya, nkwiza pakumupela u Yelusalemu pakuba ngati lubako ulwa vinyo, inko zyosi zizyo zibazyunguliye zikwiza pakung'wela nukutantalila ngati bantu babo bakolizwe. Chope ichisu icha Yuda chikwiza pakuzyunguliliwa poka nu Yelusalemu.

Ukukumbusya Amalamulo 30:5

Akwiza pakubanyosezya kuchisu icha banyenya binyu, sona mukwiza pakwikala mulamula. Akwiza pakubapela pakuba mwe binji nkani, sona vyosi vikwiza pakubendelagha akiza nkani ukubachila abanyenya binyu.