Yelemiya 33:7 - IBAYIBOLO 2024

⁷ Nkwiza pakubanyosezya sona ubwiza bwabo abantu aba ku Yuda naba ku Izilayeli sona nkwiza pakutuzenga utwaya tunutu ukuti tubanje ngati mumo tukabela kale.

Yelemiya 33:7 Iomraidhean Croise

Masalimo 126:1

Bo u Mwene atunyosezya sona mu Ziyoni, tukaba ngati po tukulota.

Masalimo 126:4

Wee Mwene, uvipelaye ivintu vyitu, ukuti vyendaye akiza sona, ngati po soko izya mu Negebu.

Masalimo 14:7

Mwee nalondagha nkani, ngali ubupoki ubwa Izilayeli bukufumila ku Ziyoni! Bo u Mwene akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye!

Masalimo 85:1

Wee Mwene ukachipelela ichisa ichisu chako, ukamunyosekezya u Yakobo ubwiza.

Yesaya 1:26

Nkwiza pakubanyosezyemo abalongi, bako ngati mumo bakabela kale, sona na bakukumanyisya amahala pakuba ngati po pabwandilo. Po ukwiza pakwitiziwa ukuti we Kaya akakulu nkani, Akagholosu sona Akasubiliwa.”

Yesaya 52:8

Teghelezya! Abalindilili binyu bakukolomoka, bakwimba poka nulusekelo. Bo u Mwene akunyokela ku Ziyoni, bakwiza pakwiyenezya na maso ghabo.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Yelemiya 30:20

Abana babo bakwiza pakuba ngati mumo bakabela kale, sona ichilundilo chabo chikwiza pakwikalana pamaso papane. Nkwiza pakabafunda babo bakubayivya.

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 31:38

U Mwene akuti, “Amasiku ghakwiza ghagho bakwiza pakunzengela sona akaya akakulu ukwandila ku Chitembe icha Hananeli mupaka pa Mulyango uwa Pankuto.

Yelemiya 31:4

Nkwiza pakukuzenga sona, wee Izilayeli, umughaniwa wane, ukwiza pakuzengiwa sona. Po mukwiza pakusenda ivisekeseke, nukubuka pakujina umwabuhobosu.

Yelemiya 32:44

Abantu bakwiza pakughula amaghunda ni ndalama. Abakalata aba lufingo bakwiza pakusimbiwa nukwighaliliwa pamaso pa bakaboni, muchigaba icha Benjamini, mutwaya tuto tuzyunguliliwe nakaya akakulu nkani aka Yelusalemu, mutwaya utukulu utwa mu Yuda nutwaya utukulu utwa mutughamba nutughamba utwa kubufumilo bwizuba utwa Negebu, pakuti nkwiza pakubanyosekezya ubukabi bwabo. Ane ne Mwene nanena.”

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Yelemiya 33:26

po nkwiza pakubakana abaluko ulwa Yakobo nu Devedi umubombi wane. Ntakwiza pakumusala umwana weka uwa Devedi ukuti abalaghilaye abaluko ulwa Abulahamu nu Yisaki sona nu Yakobo. Pakuti nkwiza pakubanyosezya ubukabi bwabo sona nkwiza pakubapelela ichisa.”

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Yelemiya 50:4

U Mwene akuti, “Mumasiku ghalaghala sona pakabalilo kalakala, abantu aba mu Izilayeli poka naba mu Yuda bakwiza pakulilagha bo bakumulondelezya u Mwene u Chala wabo.

Nkuto 4:22

Mwee bantu aba mu Yelusalemu, ulufundo lwinyu lwamala, po ubuzya bwinyu te bwendelele. Loli amwe, mwe bantu aba mu Edomu akwiza pakubafunda, pachifukwa icha mbibi zyinyu sona nukunanga kwinyu.

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Zefaniya 3:20

Pakabalilo kalakala nkwiza pakubabungannya, nukubabwezya kukaya. Nkwiza pakubachindika nukubapala, pakasi pabantu bosi aba muchisu ichapasi. Nkwiza pakubanyosezya ubwiza bwinyu, bo mukwennya na maso ghinyu.” U Mwene anena.

Zekaliya 1:17

“Endelela pakufumusya bulo ukuti: U Mwene Uwamaka Ghosi ati, ‘Utwaya twane utukulu nkani tukwiza pakwizula ni vintu ivyiza, po u Mwene akwiza pakumusangalusya sona u Ziyoni nukumusala u Yelusalemu.’ ”