Yelemiya 33:6 - IBAYIBOLO 2024

⁶ “Loli pope bulo, nkwiza pakukapa ubumi ubwiza nukubapozya abantu bane sona nkwiza pakubalanjizya umutende uwakufikapo nukuti batakanyilaye nakamokamo.

Yelemiya 33:6 Iomraidhean Croise

Masalimo 147:3

Akubapozya babo bavulaye amoyo, nukubapinya ivilonda vyabo.

Masalimo 37:11

Loli abantu abakwiyisya bakwiza pakupyana ichisu sona bakwiza pakwilagha umutende ghugho ghutakubelengiwa.

Masalimo 67:2

Ubombaye bunubu umwakuti izila zyako zimanyikwe pachisu chosi ichapasi, sona nukuti ubupoki bwako bumanyikwe pakasi pabantu aba inko zyosi.

Masalimo 72:7

Pakabalilo kache umugholosu akwiza pakubako, sona ivintu vikwiza pakwenda akiza nkani mupaka umwezi ghuleke pakulama.

Ukufuma 34:6

Po u Mwene akadumusannya kuntazi kwa Mozesi nukunena nizyu ilyapamwanya ukuti, “Mwene, Mwene u Chala uwachisa nu wachililizi, yuyo atakukalala lubilolubilo, walughano lulo lutakumala nu busubiliwa bwache.

Umulumbilili 3:3

Pali akabalilo akakughoghela na kabalilo akakupozezya. Pali akabalilo akakumongolannya na kabalilo akakuzengela.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 30:26

Umwezi ghukwiza pakulama ngati lizuba, ukulama kwizuba kukwiza pakulama amasiku seveni, ngati kulama ukwa masiku ghosi seveni, bo u Mwene akubapinya ivilonda abantu bache nukubapozya mumo bavulala.

Yesaya 39:8

U Hezekiya akamula akati, “Amazyu agha Mwene ghagho wanena miza bulo.” Pakuti akinong'onagha ukuti kukwiza pakuba umutende nukwikalana mubumi bwache.

Yesaya 54:13

Abana bako bosi bakwiza pakumanyisiwa nu Mwene, sona bakwiza pakwikala mumutende.

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yesaya 57:18

Nazyennya izila zyache, loli nkwiza pakumupozya, nkwiza pakumulongozya nukumusangalusya,

Yesaya 57:19

nukwimba amapalo pamilomo iya babo bakulila mu Izilayeli. Umutende, umutende, ku bantu, babo bali papipi nakubutali, sona nkwiza pakubapozya.” U Mwene anena.

Yesaya 58:8

Po ulukozyo lwako lukwiza pakulama ngati kokubuche, nukupoziwa kwako kukwiza pakuboneka lubilolubilo, ubugholosu bwako bukwiza pakukulongolela, sona ubuchindamu ubwa Mwene, bukwiza pakumulindilila uwa kwisinda kukwako.

Yesaya 66:12

U Mwene akuti, “Nkwiza pakubapa umutende ngati lusoko, sona nu bukabi ubwa inko ngati kasoko akakwizula, mukwiza pakonka nukupakatiwa sona nukupumiziwa.

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Yelemiya 29:11

Pakuti inzimenye zizyo imbayanizizye, te bubibi awe, loli pakubapa ulusubilo ni ntazi inyiza.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Hoseya 7:1

Bo nkuti imbapozye abantu bane aba Izilayeli, zyope imbibi izya Efulayimu zikaboneka pabuzelu, imbombo imbibi izya Samaliya zikavumbuliwa. Abantu bakubomba bo buzimbuli bwene, abiba bakupankula inyumba izya bantu, sona amavyondongo ghakwiba muminalo.

Mika 4:3

Akwiza pakulonga pakasi pa inko inyinji, pakasi pa inko izyamaka, izya papipi nizya kubutali bulo. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Yohani 10:10

Umwiba akwiza pakwiba, pakughogha nukunangannya bulo. Ane nizite ukuti mubanje nubumi, ubumi ubwakufikapo.

Aba Efeso 6:23

Umutende nu lughano, sona nu lwitiko ivyakufuma kwa Tata u Chala, sona ni vyakufuma kwa Mwene witu u Yesu Kilisitu vibanje na bakamu bosi.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,