Yelemiya 33:3 - IBAYIBOLO 2024

³ ‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Yelemiya 33:3 Iomraidhean Croise

Masalimo 145:18

U Mwene akuba papipi na bosi babo bakumwitizya, kokuti bosi babo bakumwitizya mubwanaloli.

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Yesaya 45:3

Nkwiza pakukupa ichuma chicho chitakuboneka, u bukabi bubo bubikiwe kubuzilo ubufisamu, umwakuti uzimanye ukuti ane ne Mwene, u Chala uwa Izilayeli, yuyo akukwitizya nitabwa lyako.

Yesaya 48:6

Mwivuye ivintu vinivi. Vyenelezye vyosi vinivi. Nkimba awe utangavyitikizya ukuti, vivyo nkunena vyanaloli? Ukwanda pakabalilo aka mupaka muntazi nkwiza, pakufumusya ivintu ivipya, izya vintu vivyo vifisiwe kukwinyu.

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Yelemiya 23:35

Loli nanti mukunenezannya nu mumanyani pamo umupalamani wesi mutinji, ‘Nkimba u Mwene amuye ichoni?’ pamo ‘Nkimba u Mwene akunena ichoni?’

Yelemiya 29:12

Po mukwiza pakunyitizya nukundaba, ane nkwiza pakubateghelezya.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Yelemiya 32:27

“Ane ne Mwene u Chala uwa bantu bosi. Nkimba chilipo chimo chicho chipalapala kukwane?

Daniyeli 2:18

Akababuzya ukuti biputaye kwa Chala uwakumwanya pakubapelela ichisa ukuti abavumbulilaye izyakubusyefu zinizi, umwakuti yuyo na bamanyani bache batakaghoghiwanje poka na bantu abamahala aba mu Babiloni.

Daniyeli 2:22

Akuvivumbula ivintu ivyakubusyefu ivyibizu, azimenye zyosi zizyo zikubombiwa muchisi, sona wemwenecho uwa lukozyo.

Daniyeli 2:23

Wee Chala uwa banyenya bane, nkukupalizya, sona nkukukwezya. Wampa amahala na maka, wanvumbulila zizyo tukakulaba, sona watuvumbulila ichilota icha mwene.”

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Mika 7:15

U Mwene akamula akati, “Ngati mo mumasiku ghagho mukepaghamo muchisu icha Ijiputi, nkwiza pakubalanjizya iviswigho vyane.”

Matayi 13:35

Akabomba zinizi pakukwanilisya zizyo umulaghuzi akalaghula ukuti, “Nkwiza pakunenela muvyili, bo nkunena nabo. Nkwiza pakubabuzya ivintu vivyo batavimenyepo nalumolumo ukwandila pakabalilo kako ichisu ichapasi chikapeliwa.”

Imbombo 2:21

Umuntu wesi yuyo akulabila mwitabwa ilya Mwene akwiza pakupokiwa.’

1 Aba Kolinti 1:2

Tukuchisimbila ichipanga icha Chala icha mu Kolinti, abantu babo bakapaghuliwa mwa Kilisitu Yesu, sona babo bitiziwe pakuba bantu bazelu, poka na bantu bosi kosi na kosi, babo bakulichindika itabwa ilya Mwene witu u Yesu Kilisitu, u Mwene wabo nu Mwene witu.

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Ukukumbusya Amalamulo 4:29

Loli nanti mukumulondelezya u Mwene u Chala winyu, bo muli kulakula, sona nanti mukumulondelezya na moyo ghinyu ghosi nu muzimu winyu ghosi, mukwiza pakumwagha.

Ukukumbusya Amalamulo 4:7

Nkimba lulipo uluko ulunji ulwa bantu, manyi lungaba lukulu nkani, lulo luli papipi nu Chala wabo, ukuyana namumo u Mwene witu abeleye papipi naswe?

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.