Yelemiya 33:16 - IBAYIBOLO 2024

¹⁶ Mumasiku ghalaghala ichisu icha Yuda chikwiza pakupokiwa, sona u Yelusalemu akwiza pakwikalagha umwakufwasa. Akwiza pakwitiziwa ni tabwa ilyakuti: U Mwene we Bugholosu bwitu.

Yelemiya 33:16 Iomraidhean Croise

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yelemiya 23:5

“Amasiku ghakwiza ghagho ane ne Mwene nkwiza pakubimikila u mwene umugholosu pa banyenya aba Devedi. Weyuyo akwiza pakubalaghila abantu mubugholosu na mumahala, sona akwiza pakulongelagha mubugholosu na mubwanaloli inongwa izya bantu aba muchisu.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Yelemiya 50:7

Umuntu wesi yuyo akabagha akabalya, abalwani babo bakati, ‘Aswe tute ninongwa nayimoyimo, pakuti bakamunangila u Mwene, yuyo pakudimapo apanaloli, yuyo lusubilo ulwa banyenya babo.’

Ezekiyeli 28:26

Bakwiza pakwikala mulamula umwakufwasa nukuzenga inyumba zyabo nukubyala amampesya, bo nkubafunda abapalamani babo, babo bakabayivyanga. Po bakwiza pakumanya ukuti ane ne Mwene u Chala wabo.’ ”

Ezekiyeli 38:8

Bo pachilapo amasiku aminji mukwiza pakwitiziwa ukuti mubungane poka. Mumaka agha kuntazi mukwiza pakulwa ni chisu chicho chikapona kubwite, chicho abantu bache bakabungana ukufuma mu inko inyinji mumaghamba agha Izilayeli, ghagho kale ghakaba visami. Abantu bache bakiza ukufuma mu inko, po bosi bakwikala umwakufwasa.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Aba Loma 11:26

Umu momumo aba Izilayeli bosi bakwiza pakupokeliwa. Pakuti Amasimbo ghakuti, “Umupoki akwiza pakufuma mu Ziyoni nu kwefya imbibi zyosi izya baluko ulwa Yakobo.

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Ukukumbusya Amalamulo 33:12

Nizya luko ulwa Benjamini akati, “U Mwene amusungilile u Benjamini, pakuti weyuyo u Mwene amughanite nkani. Akumuzighilila isiku ni siku nukumupakata munyobe zyache.”

Ukukumbusya Amalamulo 33:28

Po aba Izilayeli bakwiza pakwikala umwakufwasa. Abaluko ulwa Yakobo bakwikala mumutende, muchisu icha ngano nu vinyo umupya, mumo inganda yikuwa ukufuma kumwanya.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.