Yelemiya 33:12 - IBAYIBOLO 2024

¹² “Umu momumo u Mwene Uwamaka Ghosi akunenela: Mubuzilo bunubu bubo mukuti chisami sona ubusita bantu ni vinyamana, mutwaya utukulu tosi mukwiza pakuba ichakulya icha badimi icha kulyesezya ing'ozi zyabo.

Yelemiya 33:12 Iomraidhean Croise

Inyimbo izya Solomoni 1:7

Wee mughaniwa wane, umbuzye, nkimba ko kwiyi kuko ukudima ing'ozi zyako, nkimba ko kwiyi kuko vikutuzikizyako ivitekwa vyako pamusanya? Nkimba choni chicho nvwinkaye icheni chane nu mwenda, pakukulonda pakasi pa midimo iya bamanyani bako?

Yesaya 65:10

Ichisu icha Shaloni chikwiza, pakuba buzilo ubwakudimilako ing'ozi ni mbuzi, sona ikombe ilya Akoli, likwiza pakubanga chimo icha midimo, iya bantu babo bakundonda.

Yelemiya 17:26

Abantu aba mutwaya utukulu utwa Yuda naba mutwaya utwa kuzyungulila u Yelusalemu, naba muchigaba icha Benjamini bakwiza pakwiza nakutughamba utwakubwinjililo bwizuba, naku Negebu, bo bakwiza ni vyabupi sona ni vyakwiyipa ivya kocha, ni vyakwiyipa ivya busu nu twakununkila sona ni vyakwiyipa ivyakupalizikizya ku Nyumba iya Mwene.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Yelemiya 31:24

Abantu bakwiza pakwikala poka mu Yuda na mutwaya twache utukulu, abalimi na babo bakwendakwenda bulo ni midimo yabo.

Yelemiya 32:15

Pakuti umu momumo u Mwene Uwamaka Ghosi, u Chala uwa Izilayeli akunenela akuti: Inyumba na maghunda sona na mampesya vikwiza pakughuliwa muchisu ichi.’ ”

Yelemiya 36:29

Umubuzye sona u Yehoyakimu u mwene uwa ba Yuda ukuti, ‘U Mwene akuti: Awe ukalyocha ibuku lila nukunena ukuti, “Nkimba choni chicho ukasimbamo ukuti naloliloli u mwene uwa Babiloni akwiza nukuchinangannya ichisu ichi sona akwiza pakughoghamo abantu ni vinyamana?”

Yelemiya 50:6

“Abantu bane basobelite ngati zyo ng'ozi, abadimi babo babapuvizye nukubapela ukuti bendabendaye pamaghamba. Bakendakenda pamaghamba sona na patughamba, nukuluvya ubuzilo bwabo ubwakutuzyapo.

Yelemiya 51:62

Po babuzye ukuti, ‘Wee Mwene, wanena ukuti: Ukwiza pakubunangannya ubuzilo ubu, umwakuti atakwiza pakwaghiwamo nayumoyumo uwakwikalamo, manyi umuntu pamo ichinyamana, sona kakwiza pakuba ngati chisami bwila na bwila.’

Ezekiyeli 36:35

Bakwiza pakunena ukuti, “Ichi cho chisu chicho chikaba chisami ilelo chaba ngati mughunda uwa Edeni, utwaya utukulu nkani tuto tukaba visami, sona tuto abantu batakwikalamo, tuto tukananganika, ilelo twaba malinga sona abantu bakwikalamo.”

Hagayi 1:4

“Mwee bantu bane, nkimba choni chicho mukwikala munyumba zizyo zizengiwe akiza nkani, bo Inyumba yane yaba chisami?”