Yelemiya 33:11 - IBAYIBOLO 2024

¹¹ amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Yelemiya 33:11 Iomraidhean Croise

1 Imbili 16:34

Mumupalizyanje u Mwene, pakuti mwiza, ulughano lwache ulwa bwila na bwila.

1 Imbili 16:8

Mumupalizyanje u Mwene sona mulichindikaye itabwa lyache. Muzifumusyanje imbombo zyache pakasi pabantu aba inko izinji.

2 Imbili 20:21

Bo u Yehoshafati anenezannya na bantu, akabasala abantu ukuti bamwimbilaye u Mwene nukumupala sona bakavwala inkazo izelu, bo bakwenda pantazi pabasilikali nukwimba ukuti, “Mumupalizyanje u Mwene pachifukwa ichakuti ulughano lwache lwa bwila na bwila.”

2 Imbili 29:31

Po u Hezekiya akati, “Ilelo mwipaghulila mwebene kwa Mwene. Zagha ni vyakwiyipa ni vyakwiyipa ivyakumupalizikizya ku Nyumba iya Mwene.” Ichilundilo chikiza ni vyakwiyipa, ivyakumupalizikizya, sona abantu abanji bakiza ni vyakwiyipa ivyakocha mubwighane bwabo.

2 Imbili 5:13

Abalizya amapati na bimbi bakaba poka pakumupala nukumupalizya u Mwene. Abantu babo bakalizyanga amapati nu malimba ni vyimbilo ivinji bakakwezya amazyu ghabo pakumupala u Mwene nukwimba ukuti, “U Chala mwiza, ulughano lwache ulwa bwila na bwila.” Ibingu likizula mu Nyumba iya Mwene,

2 Imbili 7:3

Bo aba Izilayeli bosi bennya umoto ghukwika sona nu buchindamu ubwa Mwene pamwanya pa Nyumba yila, bakafughama pamabwe bo ivyeni vyabo vikotamiye pasi. Po bakamwiputa nukumupalizya u Mwene bakati, “We mwiza. Ulughano lwako lwa bwila na bwila.”

Ezila 6:22

Bakaba nu Lusekelo ulwa Chibama chicho chite ni chilungo umwakuhoboka amasiku seveni, pachifukwa ichakuti u Mwene akabahobosya nkani pakumupela u mwene uwamu Asiliya ukuti andule inyinong'ono zyache, umwakuti akabavwa pambombo iyakuzenga Inyumba iya Chala uwa Izilayeli.

Nehemiya 12:43

Pisiku lilalila abantu bakabika ivyakwiyipa ivyinji nkani, pachifukwa ichakuti u Chala weyuyo akabapela ukuti bahobokaye. Abakolo na bana bope bakahoboka nkani, umwakuti ichongo icha kusekela ukwa bantu mu Yelusalemu chikivwikagha kubutali nkani.

Nehemiya 8:12

Po abantu bosi bakabwela pakulya nukung'wela, sona bakagabana na bantu abanji ivintu vivyo bakaba navyo, pachifukwa ichakuti bakivwisya vivyo vikabelengiwa.

Masalimo 106:1

U Mwene apaliwanje. Mumupalizyanje u Mwene pakuti mwiza, ulughano lwache ulwa bwila na bwila.

Masalimo 107:1

Mumupalaye u Mwene pakuti mwiza, ulughano lwache lwa bwila na bwila.

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 116:17

Nkwiza pakubika ichakwiyipa ichakupalizikizya kukwako, sona nkwiza pakulyitizya itabwa ilya Mwene.

Masalimo 147:13

Pakuti weyuyo akuzikazya impingwi izya milyango yako, nukubasaya abantu babo bali mumwako.

Masalimo 85:7

Wee Mwene Ubanje naswe ni chisa chicho chitakumala, sona utupoke.

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Yesaya 52:8

Teghelezya! Abalindilili binyu bakukolomoka, bakwimba poka nulusekelo. Bo u Mwene akunyokela ku Ziyoni, bakwiza pakwiyenezya na maso ghabo.

Yesaya 52:9

Mwimbaye poka inyimbo izya lusekelo, amwe mwe visami ivya mu Yelusalemu, pakuti u Mwene abasangalusya abantu bache, amutabula u Yelusalemu.

Yelemiya 16:9

Pakuti u Mwene Uwamaka Ghosi u Chala uwa Izilayeli akuti, ‘Pabuzilo bunubu nkwiza pakumazya amazyu agha lusekelo nu buhobosu, sona nkwiza pakwefyapo izyu ilya yuyo akusenda na yuyo akusendiwa.’

Yelemiya 17:26

Abantu aba mutwaya utukulu utwa Yuda naba mutwaya utwa kuzyungulila u Yelusalemu, naba muchigaba icha Benjamini bakwiza pakwiza nakutughamba utwakubwinjililo bwizuba, naku Negebu, bo bakwiza ni vyabupi sona ni vyakwiyipa ivya kocha, ni vyakwiyipa ivya busu nu twakununkila sona ni vyakwiyipa ivyakupalizikizya ku Nyumba iya Mwene.

Yelemiya 25:10

Nkwiza pakwefyamo ichongo icha buhobosu nu lusekelo, amazyu agha uwakusenda nu wakusendiwa, sona ichongo icha lwala nulukozyo ulwa nyale vitakwiza pakubamo.

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 30:19

Abantu babo bakwikala mulamula bakwiza pakwimba inyimbo izyakupalizikizya, bakwiza pakukolomoka nulusekelo. Nkwiza pakubabalizya, sona batakwiza pakuba banandi awe. Nkwiza pakubachindika sona abantu batakwiza pakubasamula.

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 32:44

Abantu bakwiza pakughula amaghunda ni ndalama. Abakalata aba lufingo bakwiza pakusimbiwa nukwighaliliwa pamaso pa bakaboni, muchigaba icha Benjamini, mutwaya tuto tuzyunguliliwe nakaya akakulu nkani aka Yelusalemu, mutwaya utukulu utwa mu Yuda nutwaya utukulu utwa mutughamba nutughamba utwa kubufumilo bwizuba utwa Negebu, pakuti nkwiza pakubanyosekezya ubukabi bwabo. Ane ne Mwene nanena.”

Yelemiya 33:26

po nkwiza pakubakana abaluko ulwa Yakobo nu Devedi umubombi wane. Ntakwiza pakumusala umwana weka uwa Devedi ukuti abalaghilaye abaluko ulwa Abulahamu nu Yisaki sona nu Yakobo. Pakuti nkwiza pakubanyosezya ubukabi bwabo sona nkwiza pakubapelela ichisa.”

Yelemiya 33:7

Nkwiza pakubanyosezya sona ubwiza bwabo abantu aba ku Yuda naba ku Izilayeli sona nkwiza pakutuzenga utwaya tunutu ukuti tubanje ngati mumo tukabela kale.

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Yona 2:9

Loli ane nkwiza pakukwimbila inyimbo izya mapalo, nkwiza pakubika ichakwiyipa kukwako, sona nkwiza pakuvibomba ivintu vivyo nkafingana nawe. Pakuti ubupoki bwane bukufuma kwa Mwene.”

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Zefaniya 3:14

Wee Ziyoni, imbagha nkani! Wee Izilayeli, kolomokagha nkani! Wee Yelusalemu, hobokagha nukusekela nu moyo wako ghosi!

Zekaliya 10:7

Aba Efulayimu bakwiza pakuba ngati bantu abamaka nkani, bakwiza pakuhoboka nkani mumoyo ngati bantu babo bakolizwe u vinyo. Abana babo bakwiza pakuchennya nukusekela, amoyo ghabo ghakwiza pakuhoboka mwa Mwene.

Zekaliya 8:19

U Mwene Uwamaka Ghosi akuti, “Mutuzyanje pakulya umwezi uwafolo nu mwezi uwafayivi nu mwezi uwaseveni, po u mwezi uwa 10, gho ghubanje mwezi uwa ba Yuda uwalusekelo nukuhoboka. Polelo mubughanaye ubwanaloli sona nu mutende.”

Zekaliya 9:17

Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.

Yohani 3:29

Yuyo asenda weyuyo wemwenecho uwa mukolo. Loli umumanyani uwa mwenesendwa weyuyo akwimilila papipi nukuteghelezya. Akuhoboka nkani bo akwivwa amazyu agha mwenesendwa. Bunubu nane ihobokite nkani.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

Ubuvumbuli 18:23

Mutakwiza pakubonekapo nalumolumo ukulama ukwa nyale mumwako. Mumwako mutakwiza pakwivwikapo nalumo izyu ilya mwenesendwa nilya yuyo akusendwa. Abaghulizi bako bakaba bamaka nkani muchisu ichapasi. Ukabazimbula abantu bosi aba muchisu ichapasi na mayele ghako aghabumyasi.