Yelemiya 32:5 - IBAYIBOLO 2024

⁵ Akwiza pakumusenda u Zedekiya nukubuka nawe ku Babiloni kuko akwiza pakwikala mupaka amubombele zimo. Nanti mukulwa na bantu aba mu Babiloni, mutakwiza pakubapota.’ ”

Yelemiya 32:5 Iomraidhean Croise

2 Imbili 13:12

U Chala ali naswe sona we mulongozi witu. Abaputi bache bakwiza pakulizya amapati ghabo pakubitizya abantu ukuti bize pakulwa namwe ubwite. Mwee ba Izilayeli, mutakalwanje ubwite nu Mwene, u Chala uwa banyenya binyu, mutangamupota.”

2 Imbili 24:20

Po umuzimu uwa Chala ghukamwikila u Zekaliya umwana uwa muputi u Yehoyada. U Zekaliya akimilila pantazi pabantu nukubabuzya ukuti, “U Chala ati, ‘Nkimba choni chicho mukughasulannya amalamulo agha Mwene? Po ivintu vitakwiza pakubendela akiza. Pachifukwa ichakuti mwamukana u Mwene, wepe akwiza pakubakana.’ ”

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Yelemiya 2:37

Kope kulakula mukwiza pakubuleka ubuzilo bo mulemite inyobe zyinyu pamutu, pakuti u Mwene abakana babo mubasubiye, mutakwiza pakubwaghamo nabumobumo ubwavwilizi mumwabo.

Yelemiya 27:22

Vikwiza pakusendiwa nukubuka navyo ku Babiloni sona vikwiza pakusyala kulakula mupaka nize ivinyosezye mubuzilo bunubu. Ane ne Mwene nanena.”

Yelemiya 32:24

“Ennya namumo abalwani bazengeye amakwelelo umwakuti bakafyule akaya akakulu nkani aka Yelusalemu. Pachifukwa icha bwite, nizala ni chiwaya akaya kanaka kakwiza pakubikiwa munyobe izya bantu aba mu Babiloni. Zizyo mukanena zyabombiwa ngati mumo mukwenezya.

Yelemiya 32:6

U Yelemiya akati, “Amazyu agha Mwene ghakanyizila nukunena ukuti:

Yelemiya 33:5

Abaluko ulwa Babiloni bakwiza nu bwite sona inyumba izya Yelusalemu zikwiza pakwizula nimivimba iya bantu babo nkwiza pakubaghogha bo nkalaye. Nkwiza pakuchifisa icheni chane ku kaya akakulu nkani aka pachifukwa icha mbibi zyache zyosi.

Yelemiya 37:10

Napapo mungabapota abasilikali bosi aba ku Babiloni babo bakulwa namwe, sona napapo bangasyalapo muvisakasa vyabo abavulale, pope bulo bangiza nukukocha numoto akaya akakulu nkani kanaka.”

Yelemiya 39:4

Bo u Zedekiya u mwene uwamu Yuda na basilikali bosi babennya bakachimbila, bakepamo mukaya pabusiku ukwendela pa mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba.

Yelemiya 39:5

Loli abasilikali aba mu Babiloni bakamuchimbizya u Zedekiya mumakombe agha Yeliko. Bakamulema nukumusendela kwa Nebukadineza u mwene uwa chisu icha Babiloni pa Libila muchisu icha Hamati kuko akadumula ukuti ali ninongwa.

Yelemiya 39:7

Pisinda pache akakolompola amaso agha Zedekiya nukumupinya ni mpingu izya mukuba nukubuka nawe ku Babiloni.

Nkuto 1:14

“Azipinyiliye imbibi zyane kwikoli, sona ni nyobe zyache akazipinyilila zyosi poka. Azipinyiliye musingo yane, u Mwene anyefya amaka, sona ambika munyobe izya bantu babo intangalwana nabo.

Ezekiyeli 12:12

U mwene yuyo ali pakasi papabo akwiza pakubaghala ivintu vyache nakachisi nukubuka, sona palubumba pakwiza pakudoboliwa ukuti umwene endayepo. Akwiza pakuvwinka icheni chache umwakuti atakachennyanje ichisu.

Ezekiyeli 12:13

Nkwiza pakumukuzulila ichilepa chane, sona akwiza pakulemiwa muchipingo chane, nkwiza nawe ku Babiloni, kuchisu icha bakaladeya, loli atakwiza pakuchennya, po akwiza pakufwila kulakula.

Ezekiyeli 17:15

Loli u mwene uwa chisu icha Yuda akamusambukila nukutuma intumi kuchisu icha Ijiputi pakusenda ifalasi ni chilundilo icha babwite. Nkimba vingamwendela akiza? Nkimba abaghiye pakupona umuntu yuyo akubomba zinizi? Nkimba anganangannya ulufingo nukupona?

Ukubelengiwa 14:41

Loli u Mozesi akati, “Nkimba choni chicho mukwendelela pakunanga ilamulo ilya Mwene? Pakuti amwe mukwiza pakupotwa.