Yelemiya 32:41 - IBAYIBOLO 2024

⁴¹ Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Yelemiya 32:41 Iomraidhean Croise

Masalimo 80:8

Ukalunyunkulamo ulutabo lwamampesya mu Ijiputi, ukabefyamo abantu aba inko izinji nukulubyala mulamula.

Yesaya 60:21

Po abantu bako bosi bakwiza pakuba bagholosu, sona ichisu chikwiza pakuba chako bwila na bwila. Sona bakwiza pakuba kakwi kane akabisi, kako nabyala ni mbombo izya nyobe zyane, umwakuti nchindikiwanje.

Yesaya 62:4

Utakwiza pakuneniwa sona, ukuti we “Wakulekiwa,” pamo ichisu chako, ukwitiziwa ukuti, “Chisami.” Loli ukwiza pakwitiziwa ukuti, “U Chala ahobokite nawe.” Ichisu chako chikwiza, pakwitiziwa ukuti, “Sendwa.” Pachifukwa ichakuti, u Mwene ahobokite nawe, sona ukwiza pakuba, ngati we mulume kuchisu chako.

Yesaya 62:5

Ngati mumo umulumendo akusendela umukolo, momumo abana bako abalumendo, bakwiza pakukusenda, ngati mumo umwenesendwa akuhobokela, numulindu yuyo amusenda, momumo u Chala wako akwiza pakuhoboka nawe.

Yesaya 65:19

Nkwiza pakusekela nu Yelusalemu, sona nukuhoboka na bantu bane, ichongo icha kufwifwitila ni chakulila, vitakwiza pakwivwikamo nalumo.

Yelemiya 18:9

Sona nanti pakabalilo akanji nkufumusya ukuti uluko pamo ubumwene bukwiza pakwanda nukwikalana,

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Ezekiyeli 36:36

Po inko zizyo zisyeteko umwakubazyungulila zikwiza pakumanya ukuti ane ne Mwene nazenga vivyo vikananganika nukubyalamo sona muchisu chicho chikaba chisami. U Mwene anena sona nkwiza pakuzibomba.’

Hoseya 14:5

Pa ba Izilayeli nkwiza pakuba ngati ne nganda, bakwiza pakubazya ngati bwezya, Abantu banaba bakwiza pakumela amagululuzi, amagululuzi ngati makwi agha mwale mu Lebanoni.

Amosi 9:15

Nkwiza pakubikazya aba Izilayeli muchisu ichabo ni chabo, batakwiza pakunyunkuliwamo sona muchisu chicho nabapa.” U Mwene u Chala winyu anena.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Ukukumbusya Amalamulo 28:63

Ukuyana namumo chikamuhobosezya u Mwene pakubapela ukuti ivintu vibendelaye akiza, sona nukuti mubanje mwe binji nkani, po chikwiza pakumuhobosya u Mwene pakubanangannya nukubazimizya. Akwiza pakubanyunkulamo muchisu chicho mukubuka pakwikalamo.

Ukukumbusya Amalamulo 30:9

U Mwene u Chala winyu akwiza pakubapela ukuti vyosi vibendelaye akiza. Mukwiza pakuba na bana abinji nkani ni vitekwa ivyinji sona ni nyinulo inyinji nkani muchisu chinyu. Chikwiza pakumuhobosya nkani u Mwene pakubapela amwe pakuba mwe bakabi ukuyana namumo akabombela na banyenya binyu