Yelemiya 32:21 - IBAYIBOLO 2024

²¹ Ukabefyamo aba Izilayeli mu Ijiputi bo ukulanjizya ivyika ni viswigho namaka amakulu nkani sona nivintu ivyakuboghofya abantu.

Yelemiya 32:21 Iomraidhean Croise

2 Samuweli 7:23

Nkimba bo bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

1 Abamwene 8:42

abantu bakwiza pakwivwa nizya itabwa lyako ikulu sona ni vintu ivikulu ni vyamaka vivyo wababombela abantu bako, nanti akwiza pakwiputa mu Nyumba iyi,

1 Imbili 17:21

Nkimba bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pachifukwa icha mwemwe pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

Masalimo 105:37

Pisinda pache akabefya aba Izilayeli, bo banyamuye usiliva nu golide, bosi bakaba bamaka nkani, sona patakabapo nayumoyumo yuyo akaba mudedebazu.

Masalimo 105:43

Akabefya abantu bache nulusekelo abasaliwa bache bakwimba nukusekela nkani.

Ukufuma 13:14

“Muntazi, nanti abana binyu bakubalalusya ukuti, ‘Nkimba ichi chikung'anamula ichoni?’ Mubamulaye ukuti, ‘U Mwene akatwefyamo mu Ijiputi, ichisu icha buzya na maka ghache amakulu.

Ukufuma 13:9

Ulusekelo ulu lukwiza pakuba chimanyilo ichakupinyiwa panyobe zyinyu, sona na pacheni chinyu. Chikwiza pakubakumbusya ukuti indaghilo izya Mwene zibaghiye pakuba pamilomo yinyu. Pakuti u Mwene akabefyamo muchisu icha Ijiputi na maka ghache amakulu nkani.

Ukufuma 3:20

Po nkwiza pakubakoma na maka ghane, sona nkwiza pakubafunda aba Ijiputi ni viswigho vivyo nkwiza pakubabombela. Pisinda pache bakwiza pakubalekezya ukuti mubukaye.

Ukufuma 6:1

Po u Mwene akamubuzya u Mozesi akati, “Losi ulu ukwiza pakwennya zizyo nkwiza pakumubombela u Falabo. Nkwiza pakumufyenga ukuti abitikizye abantu bane pakubuka. Pachifukwa icha maka ghane amakulu, naloli akwiza pakubachimbizyamo abantu bane muchisu chache.”

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Yesaya 63:12

yuyo na maka ghache agha buchindamu, ghakendagha nu Mozesi, yuyo akagaba amizi pamaso papabo, umwakuti amanyikwanje nitabwa ilya bwila na bwila,

Ukukumbusya Amalamulo 11:3

ni vyika, ni viswigho vivyo akapela mu Ijiputi pakumubombela u Falabo u mwene uwamu Ijiputi poka ni chisu chache chosi.

Ukukumbusya Amalamulo 26:8

Po u Mwene akatwefyamo mu Ijiputi na maka ghache amakulu pakubomba ivintu ivikulu, sona akapela ivyika ni viswigho ivyakoghofya nkani.

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

Ukukumbusya Amalamulo 7:19

Na maso ghinyu mukennya ivyika ni viswigho, sona na maka amakulu ghagho u Mwene u Chala winyu akabombezya pakubefyamo mu Ijiputi. U Mwene u Chala winyu akwiza pakubabombela bunubu abantu babo mukubanyila.