Yelemiya 32:18 - IBAYIBOLO 2024

¹⁸ Ubalanjizye ulughano abantu amasabuzani loli ubafunde abantu pachifukwa icha mbibi izya bapapi babo. Wee Chala umukulu sona uwamaka ghosi, itabwa lyako we Mwene Uwamaka Ghosi,

Yelemiya 32:18 Iomraidhean Croise

Ubwandilo 49:24

Loli ubwele bwache bukaba bwa maka, sona inyobe zyache zyamaka, pachifukwa icha Uwamaka Ghosi uwa Yakobo, pakuti we mudimi, sona lyalabwe ilya Izilayeli.

2 Abamwene 9:26

‘Mumabwila nkalyennya ibanda ilya Naboti nilya bana bache. Po nkwiza pakukutanizya mumughunda ghunughu.’ Polelo mumunyamule, mumusumbile mumughunda ghulaghula ukuyana namumo u Mwene akanenela.”

Nehemiya 1:5

Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Masalimo 50:1

U Chala Uwamaka Ghosi, u Mwene akunena, nukubitizya abantu muchisu chosi ichapasi, ukwandila kuko izuba likufumila mupaka kubwinjililo.

Masalimo 89:9

Ukulaghila panyanja inkali, nanti amayigha ghakunyamuka, ukughapumizya.

Ukufuma 34:6

Po u Mwene akadumusannya kuntazi kwa Mozesi nukunena nizyu ilyapamwanya ukuti, “Mwene, Mwene u Chala uwachisa nu wachililizi, yuyo atakukalala lubilolubilo, walughano lulo lutakumala nu busubiliwa bwache.

Ukufuma 34:7

Nkubalanjizya ulughano lwane abantu amasabuzani pakubahobokela imbibi zyabo nukunanga kwabo. Loli ntakwiza pakubaleka bulo abana na bizukulu babo mupaka ninkulilo iyabutatu ni yafolo pachifukwa icha mbibi izya bapapi babo.”

Yesaya 10:21

Abakusyalako bakwiza pakunyokela, sona abakusyalako abamunyumba iya Yakobo bakwiza pakunyokela kwa Chala Uwamaka Ghosi.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Yelemiya 10:6

Wee Mwene, atalipo nayumoyumo uwakuyana nawe, awe we mukulu nkani, sona itabwa lyako lyamaka nkani.

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Yelemiya 31:35

U Mwene Uwamaka Ghosi akuti, “Nkulamula izuba ukuti lilamaye pamusanya, nkulamula u mwezi ni ntondwa ukuti vilamaye pabusiku, sona nkuyilamula inyanja, umwakuti amayigha ghapongomokaye.

Yelemiya 33:2

“U Mwene yuyo akapela ichisu ichapasi, akachimata nukuchizenga sona, yuyo itabwa lyache we Mwene akati,

Yelemiya 50:34

Loli pope bulo Umutabuli wabo ali na maka nkani, itabwa lyache we Mwene Uwamaka Ghosi. Akwiza pakubimila pa nongwa, umwakuti abike umutende pachisu chosi ichapasi, loli abantu aba ku Babiloni batakwiza pakuba nu mutende naghumoghumo.

Daniyeli 2:45

Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Habakuku 1:12

Wee Mwene, Chala wane Nkimba te wewe we uliko bwila na bwila? Wee Chala wane, we Muzelu wane, tutakwiza pakufwa. Wee Mwene, we wabasala ukuti batulongaye inongwa, wee lyalabwe lyane, sona wewe wabimika ukuti batufundaye.

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’

Matayi 27:25

Ichilundilo chosi icha bantu chikamula chikati, “Lileke ibanda ilya umuntu uyu libanje papitu na bana bitu.”

Luka 6:38

Mubapanje abantu abanji, po namwe u Chala akwiza pakubapa. Naloli mukwiza pakupokela ichipimilo ichiza, ichakusindiliwa, ichakuyingana, ni chakufuluka, momumo abantu bakwiza pakubapelagha munyobe zyinyu. Pakuti ichipimilo chicho mukubombezya pabantu abanji, cho chicho u Chala akwiza pakubombezya papinyu.”

Ukukumbusya Amalamulo 10:17

Pakuti u Mwene, u Chala winyu ali pamwanya pa bachala bosi, sona we Mwene uwa bamwene, we Chala umukulu nu wamaka, sona wakoghofya nkani. Atakwennya icheni icha muntu sona atangabekiwa.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.