Yelemiya 30:6 - IBAYIBOLO 2024

⁶ Leka imbalalusye ilalusyo: Nkimba umuntu umwanavuli angapapa umwana? Po nkimba choni chicho nkwennya ukuti umwanavuli wesi alemite inyobe zyache palwanda, ngati po mukolo yuyo akusayiwa? Nkimba choni chicho icheni icha muntu wesi chachitima?

Yelemiya 30:6 Iomraidhean Croise

Masalimo 48:6

Bakatetema nkani sona bakivwa ububavu, ngati mukolo yuyo ali pakusayiwa umwana.

Yesaya 21:3

Zizyo nkazyennya nukuzyivwa muchisetuka zikampelela ubogha nu bubavu, ububavu ngati ubwa mukolo yuyo ali pakusayiwa. Nkutantalila nazizyo nkwivwa, sona zizyo nkuzyennya zinkuvulungannya.

Yesaya 29:22

Polelo zinizi zyo zizyo u Mwene yuyo akamupoka u Abulahamu akuyibuzya inyumba iya Yakobo ukuti, “Abantu bane batakwiza pakuyimba pamo ivyeni vyabo vitakwiza pakuba ni soni.

Yelemiya 13:21

Nkimba mukwiza pakunena choni, nanti u Mwene abimika abantu banaba pakuba balaghili binyu? Nkimba chitakwiza pakubababa, ngati mukolo yuyo akusayiwa?

Yelemiya 22:23

Amwe mwe mukwikala munyumba zizyo zizengiwe na makwi agha mwale aghakufuma ku Lebanoni, mukwiza pakulila ngati mukolo yuyo ali mububavu pakabalilo akakupapila.”

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 48:41

Akaya akakulu nkani aka Keliyoti kakwiza pakulemiwa, sona amalinga ghakwiza pakufyuliwa. Pisiku lilalila amoyo agha basilikali aba Mowabu ghakwiza pakuba ngati moyo uwa mukolo yuyo ali pakusayiwa.

Yelemiya 49:22

Ennya, umuntu yumo ngati lyo lizwanga akwiza pakubuluka umwalubilolubilo nukukuzulila ivipapande vyache pa Bozila. Pisiku lilalila, amoyo agha basilikali aba Edomu ghakwiza pakuba ngati moyo uwa mukolo yuyo akusayiwa.”

Yelemiya 49:24

U Damasika mudedebazu, sona achimbila pachifukwa icha bogha, ububavu ni chitima vyamulema, ngati mukolo yuyo akusayiwa.

Yelemiya 50:43

U mwene uwamu Babiloni ivuye nizya mbili yabo, sona amaka ghamumalila. Ubogha bwamulema ngati bubavu ubwa mukolo yuyo akusayiwa.

Yelemiya 6:24

Twivwa imbili yako, sona amaka ghamumalila. Ubogha bwamulema ngati bubavu ubwa mukolo yuyo akusayiwa.

Daniyeli 5:6

Po icheni chache chikasulumannya umwakuti akanyila nkani, umwakuti ivimpevu vyache vikanda pakutetema.

Hoseya 13:13

Ububavu ubwa mukolo yuyo ali pakusayiwa bwabawila, loli u mwana ate na mahala. Bo akabalilo kafikila atakulonda pakufuma pakabalilo kache.

Yoweli 2:6

Inko zikunyila pakubennya, ivyeni vyabo visulumanizye.

Nahumu 2:10

Akaya aka Ninive kananganika, kaba chisami sona abantu bepamo, amoyo ghabo ghasunguluka, ivimpevu vyabo vyawa ubwazi, amabili ghabo ghakutetema, ivyeni vyosi vili nichitima.

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.