Yelemiya 30:21 - IBAYIBOLO 2024

²¹ Bakwiza pakuba nu mulongozi uwabo nu wabo, umulaghili wabo akwiza pakufuma mukasi mumwabo. Nkwiza pakumwitikizya ukuti ize papipi nane. Nkimba wewenu yuyo angaba mujivu ukuti apalamile kukwane?

Yelemiya 30:21 Iomraidhean Croise

Ubwandilo 18:27

U Abulahamu akanena sona akati, “Mwene, nalamba unhobokele pakunena nawe mubujivu bunubu, ane ne muntu bulo pamaso papako.

Ubwandilo 18:30

Po u Abulahamu akati, “Mwene, nalamba utakankalalilaye, loli unyitikizye inene. Buli nanti baghiwamo bulo abantu 30?” Po u Mwene akamula akati, “Ntangachibomba nanti nabaghamo bulo abantu abagholosu 30.”

Ubwandilo 18:32

U Abulahamu akati, “Mwene, nalamba utakankalalilaye, loli unyitikizye inene koka sona. Buli nanti abantu mukaya akakulu nkani kala baghiwamo abantu 10 bulo?” U Mwene akati, “Ntangakazimizya akaya akakulu nkani kala nanti nabaghamo bulo abantu 10.”

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

2 Samuweli 7:13

Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.

Ezila 2:2

umwakulongoziwa nu Zelubabeli nu Yeshuwa nu Nehemiya nu Selaya nu Lelaya nu Molidikayi nu Bilishani nu Misipali nu Bigivayi nu Lehumu nu Baana. Ubwinji ubwa bantu aba mu Izilayeli bukaba bo ubu:

Nehemiya 7:2

Nkamubika uwamwitu u Hanani poka nu Hananiya, usongo uwa basilikali ukuti enelezyanje akaya akakulu nkani aka Yelusalemu, pakuti akaba muntu umusubiliwa, sona akamunyilagha u Chala ukubachila abantu bosi.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Masalimo 89:29

Nkwiza pakulwikazya uluko lwache pachitengo icha bumwene bwila na bwila. Po ubumwene bwache butakwiza pakuba nubumalilo ngati masiku agha mumwanya.

Ukufuma 3:5

U Chala akati, “Utakapalamilaye, vula inkwato zyako, pakuti ubuzilo bubo wimitepo buzelu.”

Yesaya 63:1

Nkimba wewenu yuyo akufumila kuchisu icha Edomu, mukaya aka Bozila, yuyo avwalite amenda amachesamu? Nkimba wewenu yuyo avwalite inkazo inyiza, sona akwenda namaka? “Nene Mwene, nkunena ubwanaloli, sona uwamaka pakupoka.”

Yelemiya 30:9

Mubuzilo bwache bakwiza pakumubombela u Mwene u Chala wabo, sona nu Devedi u mwene wabo, yuyo nkwiza pakubasalila.

Yelemiya 33:15

Mumasiku ghalaghala, sona na pakabalilo kalakala, nkwiza pakumumezekezya u Devedi ulusamba ulugholosu, akwiza pakubomba zizyo nyiza sona ngolosu muchisu.

Yelemiya 49:19

“Ngati nkalamu yiyo yikufuma mumusitu uwa Yolodani, yikuyichimbizya ing'ozi, nkwiza pakumuchimbizya u Edomu, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?

Yelemiya 50:44

Ngati nkalamu yiyo yikufuma mumusitu uwa Yolodani, yikuyichimbizya ing'ozi. Nkwiza pakumuchimbizya u Babiloni, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?”

Ezekiyeli 37:24

“ ‘Umubombi wane u Devedi akwiza pakuba we mwene wabo, sona bosi bakwiza pakuba nu mudimi weka. Bakwiza pakukonka indaghilo zyane nukusungilila akiza ivimanyisyo vyane.

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Ukubelengiwa 16:40

Ichi chikaba chimanyilo ichakubasoka aba Izilayeli ichakuti umuntu bulo yuyo ate waluko ulwa Aloni atakafukizyanje utwakununkila pachighemo pamaso pa Mwene lumo zingamuwila zizyo zikamuwila u Kola poka na bakonki bache. Zyosi zinizi zikabombiwa ukuyana namumo u Mwene akamulamulila u Eleyazala ukwendela mwa Mozesi.

Ukubelengiwa 16:5

Po akamubuzya u Kola na bakonki bache akati, “Indabi pandabindabi u Mwene akwiza pakutulanjizya yuyo wache, sona na yuyo muzelu, po akwiza pakumupalamizya umuntu yulayula kukwache.

Matayi 2:2

Bakalalusya bakati, “Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo bwizuba. Po twiza pakumwiputa.”

Matayi 27:37

Pamwanya pamutu wache pakasimbiwapo ichimanyilo icha nongwa yiyo bakamughoghela ukuti, “Uyu we Yesu u Mwene uwa ba Yuda.”

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Luka 24:26

Nkimba zitamubaghiye pakuti u Kilisitu ayimbe ni vintu vyosi vinivi bo atinjiye mubuchindamu bwache?”

Imbombo 5:31

U Chala akamukwezya nukumubika munyobe izya nyobe yache indilo ukuti abanje Mulongozi nu Mupoki, pakubapa ulusako aba Izilayeli ukuti bapinduke nukuhobokeliwa imbibi zyabo.

Aba Loma 8:34

Po wewenu akwiza pakunena ukuti bali ninongwa? Ate we Kilisitu u Yesu awe, yuyo akafwa, nkaninkani yuyo akazyuka kubufwe nukuba nubumi, sona ali kunyobe indilo iya Chala. Akutwiputila aswe kwa Chala!

Ukukumbusya Amalamulo 17:15

mwenelezye ukuti abanje we mwene yuyo u Mwene u Chala winyu amusalite. Abanje muntu uwa luko lwinyu, sona mutakamusalaye umuyeni yuyo ate mu Izilayeli uwamwinyu pakuba we mwene winyu.

Ukukumbusya Amalamulo 18:18

Nkwiza pakubatumila umulaghuzi uwakuyana nawe uwakufuma pakasi pabantu babo. Ane nkwiza pakumubuzya amazyu aghakuti anene, po akwiza pakubabuzya abantu zyosi zizyo nkumulamula.

Ukukumbusya Amalamulo 33:5

U Mwene akaba we mwene uwa bantu bache aba Izilayeli, bo abalongozi aba bantu babunganite, poka ninko izya ba Izilayeli.”

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”