Yelemiya 30:2 - IBAYIBOLO 2024

² “Ane ne Mwene u Chala uwa Izilayeli nkuti, ‘Simba mwibuku zyosi zizyo nkubuzizye.

Yelemiya 30:2 Iomraidhean Croise

Ukufuma 17:14

Po u Mwene akamubuzya u Mozesi akati, “Simba nizya bupoti bunubu mwibuku pakuba chintu chimo ichakukumbukilamo. Umubuzye sona u Yoshwa ukuti nkwiza pakubazimizya aba Amaleki.”

Yesaya 30:8

Ilelo buka nukusimba apakusimbapo, uzisimbe mwibuku, umwakuti zibanjeko bwila na bwila.

Yesaya 8:1

U Mwene akambuzya akati, “Senda ichakusimbapo ichikulu usimbepo amasimbo amakulu aghakuti, Mahelishalali hashi bazi.

Yelemiya 25:13

Nkwiza pakubafunda abantu aba mu Babiloni nazyosi zizyo nanena, sona na zizyo zisimbiwe mwibuku ili, sona u Yelemiya akalaghula nizya kubasusya abantu aba inko zyosi zinizi.

Yelemiya 30:1

U Mwene akamubuzya u Yelemiya akati,

Yelemiya 36:28

“Senda ibuku ilinji nukusimbamo amazyu ghosi ghagho ghakaba mwibuku ilyakwanda lila, lilyo u Yehoyakimu u mwene uwa ba Yuda akalyocha.

Yelemiya 36:32

Po u Yelemiya akasenda ibuku ilinji nukumupa umusimbi u Baluki umwana uwa Neliya yuyo akasimbaghamo bo u Yelemiya akumubuzya amazyu ghosi ghagho u Yehoyakimu u mwene uwa ba Yuda akaghocha mumoto. Sona amazyu aminji aghakuyanayana bulo ghakonjeleziwapo.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Aba Loma 15:4

Pakuti chosi chicho chikasimbiwa kale mu Masimbo, chikasimbiwa pakutumanyisya aswe, umwakuti tungaba nu lusubilo ukwendela mu bufisalyoyo nu lukazyo, lulo Amasimbo ghakutumanyisya.

1 Aba Kolinti 10:11

Ivintu vinivi vikababonekela pakuba chifwanikizyo, sona vikasimbiwa ukuti vitusoke. Pakuti tuli pakabalilo, kako ubumalilo buli papipi pakwiza.

Ukukumbusya Amalamulo 31:19

“Losi ulu simba ulwimbo ulu. Ubamanyisye aba Izilayeli ukuti lubanje we kaboni wane uwakubasusya.

2 Pitala 1:21

Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:19

Polelo simba vivyo wavyennya, ivintu vivyo vikubombiwa ilelo, sona na vivyo vikwiza pakubombiwa muntazi.