Yelemiya 30:16 - IBAYIBOLO 2024

¹⁶ “Loli nkwiza pakubanangannya bosi babo bakubanangannya, abalwani binyu bosi bakwiza pakusendiwa pakuba bazya. Bosi babo bakubafyula ivintu vyinyu, bope ivintu vyabo vikwiza pakufyuliwa. Bosi babo bakubayivya bakwiza pakuyinviwa

Yelemiya 30:16 Iomraidhean Croise

Masalimo 129:5

Bosi babo bamubengite u Ziyoni, bakoziwanje isoni nukuchimbiziwa.

Ukufuma 23:22

Loli nanti mukumwivwila nukubomba zyosi zizyo nkubalamula, ane nkwiza pakuba ne mulwani uwa balwani winyu, sona nkwiza pakulwana na bantu bosi babo bakubasusya.

Ivyili 22:23

Pakuti u Mwene akwiza pakwivwa inongwa yache, sona akwiza pakubafyula ubumi babo bakamufyulagha ivintu vyache.

Yesaya 14:2

Inko izinji zikwiza pakubavwa aba Izilayeli pakunyokela mubuzilo ubwabo nu bwabo. Inko inyinji zikwiza pakumubombela u Izilayeli, ngati bambombo abanavuli naba mbombo abakolo muchisu icha Mwene. Babo bakabalema aba Izilayeli bakwiza pakulemiwa pakuba bazya, nukubalaghila babo bakabayivyanga.

Yesaya 33:1

Chighune kukwako we mughoghi, we utananganikitepo! Wee muzimbuli, chighune kukwako, nayumo yuyo atakuzimbuyepo nalumo. Nanti wamalizya pakunangannya, nawe bakwiza pakukunangannya, nanti waleka ubuzimbuli, nawe bakwiza pakukubombela izya buzimbuli.

Yesaya 54:15

Nanti weka akulwana nawe, bo tenene nazibomba, wesi yuyo akulwana namwe ukwiza pakumupota.

Yesaya 54:17

Chitakwiza pakubapo ichilwilo ichakubavulazya, ukwiza pakubapota bosi babo bakususannya nawe. Chinichi mpyana iya babombi aba Mwene, sona nkwiza pakubapa ubupoti.” Momumo u Mwene akunenela.

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yelemiya 12:14

U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 2:3

U Izilayeli akaba muzelu kwa Mwene, ivikomwa ivyakwanda ivya nyinulo yache, bosi babo bakalyako ivikomwa vinivi bakaba ninongwa, sona ububibi bukabawila. Ane ne Mwene nanena.’ ”

Yelemiya 25:12

“Po nanti amaka 70 ghamala, nkwiza pakumufunda u mwene uwa Babiloni poka na bantu bache, ni chisu icha bantu aba mu Babiloni, pachifukwa icha mbibi zyabo, sona nkwiza pakuchipela pakuba chisami bwila na bwila.

Yelemiya 30:15

Nkimba choni chicho mukulila pachifukwa icha kuvulala kwinyu, ububavu bubo butakupola nako kupola? Pakuti ububibi bwinyu bukulu nkani, sona imbibi zyinyu nyinji nkani, cho chifukwa nababombela zinizi.

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Nkuto 1:21

“Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Nkuto 1:22

“Leka ububibi bwabo bosi bubonekele pamaso papako, ubabombele ukuyana namumo ukambombela, pachifukwa icha mbibi zyane zyosi. Ane nkukoloma nkani, sona indi ni chitima nkani mumoyo wane.”

Ezekiyeli 29:6

Po abantu bosi babo bakwikala mu Ijiputi bakwiza pakumanya ukuti ane ne Mwene. “ ‘Pachifukwa ichakuti awe Ijiputi ukaba ngati ndisa iya lutete kubanyumba iya Izilayeli,

Ezekiyeli 35:5

“ ‘Pachifukwa ichakuti ukalanjizya ulubengo paba Izilayeli ulusita kumala nukubaghoghela kubwite pakabalilo akantamyo zyabo, sona pakabalilo kako ulufundo lwabo lwafika pabumalilo,

Yoweli 3:8

Nkwiza pakubaghulizya abana bako abalumendo na balindu kuba Yuda, po abene bakwiza pakubaghulizizya aba Sabe kuchisu icha kubutali nkani.” Ane ne Mwene nanena.

Mika 4:11

Loli inko inyinji zyakubunganila ukuti zilwe namwe ubwite. Bakuti, “Muleke abanje munyazu, ghaleke amaso ghitu ghamulolotele u Ziyoni!”

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Nahumu 1:8

loli na mizi aghakwizula, akwiza pakumunangannya u Ninive, sona akwiza pakubachimbizizya abalwani bache muchisi.

Habakuku 2:16

Ukwiza pakukoziwa isoni mubuzilo ubwa buchindamu. Polelo chili papako, ng'welagha umwakuti ulanjizye ukusita kusilimuliwa kwako. Ubukali ubwa lubako ulwa Mwene bukwiza papako, ubuchindamu bwako bukwiza pakusamuliwa.

Zefaniya 2:8

“Nivuye intuko izya ba Mowabu, sona nu musamu uwa ba Amoni, babo bakubasamula abantu bane, nukuboghofya ukuti bakwiza pakuchifyula ichisu chabo.

Zekaliya 1:14

Po uwantumi yuyo akanenagha nane akambuzya akati, “Fumusya ukuti u Mwene Uwamaka Ghosi ati, ‘Ubuzuba bwane bukwaka pa Yelusalemu, sona na pighamba izelu ilya Ziyoni,

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Zekaliya 12:2

“Ennya, nkwiza pakumupela u Yelusalemu pakuba ngati lubako ulwa vinyo, inko zyosi zizyo zibazyunguliye zikwiza pakung'wela nukutantalila ngati bantu babo bakolizwe. Chope ichisu icha Yuda chikwiza pakuzyunguliliwa poka nu Yelusalemu.

Zekaliya 14:2

Nkwiza pakuzibungannya inko zyosi umwakuti zilwe ubwite nu Yelusalemu. Akaya akakulu nkani kakwiza pakulemiwa sona inyumba zikwiza pakufyuliwa, bope abakolo bakwiza pakulemiwa pamaka. Abantu bamo abanandi bulo bakwiza pakuba bazya, loli abantu abanji bosi batakwiza pakubefyamo mukaya akakulu nkani.

Zekaliya 2:12

Abantu aba mu Yuda bakwiza pakuba mpyana iya Mwene muchisu ichizelu, po akaya aka Yelusalemu kakwiza pakuba kaya kache akapamoyo.

Zekaliya 2:8

Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.

Ukukumbusya Amalamulo 30:7

U Mwene u Chala winyu akwiza pakubawisizya ivighune vyosi vinivi abalwani binyu babo bababengite nukubavwima.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nupanga, akwiza pakuboliwa naloli nupanga. Po panapa pakulonda ukuti abantu aba Chala babanje bakujimba nukuba bamaka mulwitiko.

1 Samuweli 17:53

Bo aba Izilayeli banyokako pakubachimbizya aba Filisiti, bakafyula ivintu muvisakasa vyabo.