Yelemiya 30:13 - IBAYIBOLO 2024

¹³ Atalipo nayumoyumo uwakubapasikizya, ghutalipo nu mulembo naghumoghumo uwakumazya ichilonda chinyu.

Yelemiya 30:13 Iomraidhean Croise

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Yobu 5:18

Pakuti weyuyo akuvulazya, sona weyuyo akuvipinya ivilonda vilavila. Weyuyo akuvulazya, loli inyobe zyache zyo zizyo zikupozya.

Masalimo 106:23

Bo u Chala anena ukuti akwiza pakubanangannya abantu bache, Umubombi wache umusaliwa u Mozesi akimilila pakasi pabantu nu Chala, pakumulaba ukuti abutozole ubukali bwache umwakuti atakabanangannye.

Masalimo 142:4

Nkwennya kundilo kwane, atalipo nayumoyumo uwakumpasikizya. Ubuzilo ubwakuti ningavwamamo nabumobumo sona atalipo nayumoyumo yuyo akubupasikizya ubumi bwane.

Ukufuma 15:26

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne Mwene, yuyo akubapozya.”

Yesaya 1:6

Ukwanda kunyayo mupaka kumutu, patalipo napamopamo pabugwalazule, napapo paboliwe, sona ni vilonda ivyakukomiwa bulo umwakuti atalipo nayumoyumo umuntu uwakuvipinya, pamo ukupakazya amafuta.

Yesaya 59:16

Akennya ukuti patakabapo nayumoyumo, sona akaswigha ukuti patakabapo uwakubavwa abakuyiviwa, ni nyobe iyache ni yache akabapoka, sona ubugholosu ubwache nu bwache bukumusungilila.

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Yelemiya 30:17

Loli nkwiza pakubapozya ku bubine bwinyu, sona nkwiza pakumazya ivilonda vyinyu pachifukwa ichakuti mukwitiziwa ukuti mwe bantu abakuzi, sona atalipo nayumo uwakumupasikizya u Ziyoni.”

Yelemiya 33:6

“Loli pope bulo, nkwiza pakukapa ubumi ubwiza nukubapozya abantu bane sona nkwiza pakubalanjizya umutende uwakufikapo nukuti batakanyilaye nakamokamo.

Yelemiya 46:11

“Wee mulindu uwa muchisu icha mu Ijiputi, bukagha kuchisu icha Giliyadi nukusenda umulembo, napapo waghayezya nkani amalembo aminji, pope bulo wapotwa, ububine bwako butakwiza pakupola.

Yelemiya 6:7

Ngati mumo ichiziba chikufumizya amizi ghache, po momumo kakufumizizya ububibi bwache. Ichongo nukunanganika vikwivwika mu mwache, vivyo nkuvyennya mubantu bache bubine ni vilonda.

Yelemiya 8:22

Nkimba ku Giliyadi ghutaliko u mulembo uwakupozezya? Nkimba ataliko nayumoyumo umughanga kulakula? Po nkimba choni chicho ivilonda ivya abantu bane vitakupola?

Nkuto 2:13

Wee Yelusalemu, nkimba ningakubuzya ichoni sona ningakufwanikizya ni choni? Wee Yelusalemu, nkimba ningakufwanikizya ni choni, umwakuti nkusangulusyanje? Inkonko yako nyibizu nkani ngati yo nyanja, po nkimba wewenu angakupozya?

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Ezekiyeli 30:21

“Wee mwana uwa muntu, napyola inyobe iya Falabo u mwene uwa muchisu icha Ijiputi. Po intayipinyitepo ukuti yipole pamo ukuti yibe namaka aghakulemela upanga.

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Nahumu 3:19

Chitalipo nachimochimo ichakupozya ichilonda chako, sona ukuvulala kwako kutangapola. Wesi yuyo akwivwa nizya ipangwi lyako, akuhoboka nukukoma inkufi pachifukwa icha kuwa kwako. Nkimba alipo yumo umuntu yuyo aponite kubukali bwako ubusita kumala?

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Yohani 2:1

Mwe bana bane, nkubasimbila zinizi umwakuti mutakabombaye imbibi. Loli nanti umuntu yumo akubomba imbibi, tuli nawe umufusya yuyo akutunenela kwa Tata mubuzilo bwitu, yuyo we Yesu Kilisitu, umugholosu.