Yelemiya 30:11 - IBAYIBOLO 2024

¹¹ Indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 30:11 Iomraidhean Croise

2 Samuweli 24:12

“Buka umubuzye u Devedi uti, ‘U Mwene ati: Nkukupa ivintu vitatu ukuti usalepo choka ichakuti inchibombe kukwako.’ ”

Masalimo 6:1

Wee Mwene utakanchemelaye, mubukalale bwako, pamo ukunfunda pachifukwa ichakuti ukalaye.

Ukufuma 34:7

Nkubalanjizya ulughano lwane abantu amasabuzani pakubahobokela imbibi zyabo nukunanga kwabo. Loli ntakwiza pakubaleka bulo abana na bizukulu babo mupaka ninkulilo iyabutatu ni yafolo pachifukwa icha mbibi izya bapapi babo.”

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 8:10

Munene zyosi zizyo mukulonda pakunena, loli zikwiza pakuba zyabulo sakizya imbatiko zyinyu, loli zitakwiza pakubomba pakuti u Chala ali naswe.

Yelemiya 1:19

Bakwiza pakulwa nawe, loli batakwiza pa kukupota, pakuti ane indi nawe, sona nkwiza pakukupoka. Ane ne Mwene nanena.”

Yelemiya 1:8

Utakabanyilaye, pakuti indi nawe sona nkwiza pakukupoka. Ane ne Mwene nanena!”

Yelemiya 10:24

Wee Mwene, unchemele, loli unchemele mubugholosu. Utakankalalile umwakuti intakipele pakuba chintu ichabulo.

Yelemiya 15:20

Nkwiza pakukupela awe pakuba we lubumba ulwa bantu aba, ilinga ilya mukuba. Bakwiza pakulwa nawe, loli batakwiza pakukupota, pakuti ane indi nawe pakukwavwa nukukupoka. Ane ne Mwene nanena.

Yelemiya 4:27

U Mwene akuti, “Ichisu chosi chikwiza pakuba chisami, napapo ntakwiza pakuchinangannya zila.

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Yelemiya 5:18

U Mwene akuti, “Loli na mumasiku ghalaghala, ntakwiza pakubananganizizya zila.

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Ezekiyeli 11:13

Bo nkulaghula, u Pelatiya umwana uwa Benaya akafwa. Po nkakupama icheni chane pasi nukukolomoka nkani ukuti, “Wee Mwene Uwamaka Ghosi, nkimba ukwiza pakubananganizizya zila abakusyalako aba Izilayeli?”

Ezekiyeli 6:8

“ ‘Loli nkwiza pakubaleka bamo bumi, pakuti bamo bakwiza pakupona kubwite bo mwanyampana pakasi pavyisu sona napa inko.

Hoseya 11:9

Ntakwiza pakufumya ubukali bwane ubwakoghofya, pamo pakumunangannya sona u Efulayimu, pakuti ane ne Chala, tene muntu awe. Ane ne Muzelu indi pakasi papinyu. Ntakwiza nu bukali.

Aba Levi 26:44

Loli napapo bali muchisu icha balwani babo, ane ntakwiza pakubakana, pamo pakubaleka umwakuti mbanangannye nukulunangannya ulufingo lwane lulo nkafingana nabo. Ane ne Mwene u Chala wabo.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Imbombo 18:10

pakuti ane indi nawe. Nayumo umuntu yuyo akwiza pakukupalamasya pakuti abinji babo bali mukaya akakulu nkani aka bantu bane.”

Ukukumbusya Amalamulo 4:31

Pakuti u Mwene u Chala winyu we Chala uwachisa, atakwiza pakubaleka mwebene pamo ukubanangannya pamo ukuluvya ulufingo lulo akafingana na banyenya binyu pakulapa ichilapo.

2 Timoti 4:22

U Mwene abanje nu muzimu wako. Ichisa icha Chala chibanje nawe.