Yelemiya 30:10 - IBAYIBOLO 2024

¹⁰ “Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 30:10 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Yesaya 14:3

Pisiku lilyo u Mwene akwiza pakubapa ubutuzyo pamayimba ghabo, sona na kumbombo impalapala yiyo bakafyengiwa bulo pakubomba,

Yesaya 35:9

Mutakwiza pakubamo inkalamu, pamo ichinyamana ichikali chitakwiza pakwendamo, vitakwiza pakwaghiwamo mulamula, loli bene babo bapokiwe, bo babo bakwiza pakwendaghamo.

Yesaya 43:5

Utakanyilaye, pakuti indi nawe poka, nkwiza pakukwizila nabana bako, ukufumila kubufumilo bwizuba, nukubabungannya amwe kubwinjililo bwizuba.

Yesaya 44:1

“Wee Yakobo, loli ilelo teghelezya, we mubombi wane, we Izilayeli wewe nkakusala.

Yesaya 44:2

Momumo akunenela u Mwene yuyo akakupela, nukukumata mulwanda, weyuyo akwiza pakukwavwa, wee Yakobo, utakanyilaye we mubombi wane, u Yeshulani yuyo imusalite.

Yesaya 46:11

Nkwitizya amazwanga kubufumilo bwizuba, kokuti umuntu uwakufuma kuchisu icha kubutali, yuyo akwiza pakukwanilisya, zizyo nkulonda pakubomba. Zizyo nanena nkwiza pakuzikwanilisya, zizyo nalonda ukubomba, nkwiza pakuzibomba.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yesaya 49:12

Ennya, bakwiza pakufuma kubutali, bamo kuchisu ichakumitu, abanji kubwinjililo bwizuba, sona abamwabo muchigaba icha Aswani.”

Yesaya 49:25

U Mwene akuti, “Naloli, abakayidi bakwiza pakufyuliwa kubalwabwite, nivyakufyula bulo vyope vikwiza pakufyuliwa ku bantu abakali, chifukwa nkwiza pakulwana nabo, babo bakulwana nawe, po nkwiza pakubapoka abana bako.

Yesaya 54:4

“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 23:4

Nkwiza pakubalondela abalongozi babo bamenye pakubasungilila sona batakwiza pakunyilagha pamo ukoghofiwa, pamo pakusobelapo. Ane ne Mwene nanena.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 23:8

loli bakwiza pakuti, ‘Tukulapila mwa Mwene umumi, yuyo akabafumya aba Izilayeli muchisu icha kumitu sona na kuvyisu vyosi vivyo akabanyampanizizyako.’ Po bakwiza pakwikala muchisu ichabo ni chabo.”

Yelemiya 29:11

Pakuti inzimenye zizyo imbayanizizye, te bubibi awe, loli pakubapa ulusubilo ni ntazi inyiza.

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Yelemiya 33:16

Mumasiku ghalaghala ichisu icha Yuda chikwiza pakupokiwa, sona u Yelusalemu akwiza pakwikalagha umwakufwasa. Akwiza pakwitiziwa ni tabwa ilyakuti: U Mwene we Bugholosu bwitu.

Ezekiyeli 16:52

Isoni zikwiza pakukulema pakuti ubulongi bwako bwabapela abawamwinyu bako pakuba bagholosu. Pachifukwa ichakuti imbibi zyako zikaba nyazu nkani ukuchila izyabo, bakuboneka bagholosu ukukuchila awe. Polelo ukoziwanje isoni sona usamuliwanje, pakuti wabapela abawamwinyu bako pakuba bagholosu.’ ”

Ezekiyeli 38:11

ukwiza pakunena ukuti, “Nkwiza pakulwa ni chisu chicho chili nutwaya utusita amalinga, nkwiza pakubanyelela abantu babo bakwikala umwakufwasa, sona batavighililiwe na malinga pamo ninyiyi pamo nimpingwi.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Hoseya 2:20

Nkwiza pakukuzingila mubusubiliwa, po ukwiza pakumanya ukuti ane ne Mwene.

Hoseya 6:11

Namwe bulo mwe ba Yuda, mukwiza pakwinula ulufundo. Bo nkubapela abantu bane ukuti ivintu vibendelaye akiza.

Yoweli 2:21

“Wee chisu, utakanyilaye awe hobokagha sona sekelagha. Pakuti u Mwene abomba ivintu ivikulu nkani.

Mika 4:9

Nkimba choni chicho ukulila umwakukwezya amazyu? Nkimba ute nu mwene? Nkimba uwakukumanyisya amahala afuye, pakuti ububavu bwakulema ngati mukolo yuyo akupapa?

Zekaliya 3:10

“ ‘Pisiku linilyo, umuntu wesi uwa amwe akwiza pakumwitizya umupalamani wache ukuti ikale mukazundila aka mampesya ghache sona naka ikuyu.’ ” U Mwene Uwamaka Ghosi anena.

Yohani 12:15

“Wee akaya akakulu nkani aka Ziyoni, utakanyilaye. Ennya, u mwene wako akwiza, bo akwelite pampunda inyana.”