Yelemiya 3:8 - IBAYIBOLO 2024

⁸ Nkamupa u Izilayeli umusita kusubiliwa yula ukalata uwasoka. Loli pope bulo umuyemba wache u Yuda umusita kusubiliwa yula atakaba nubogha nabumobumo, wepe bulo akabuka pakulowa.

Yelemiya 3:8 Iomraidhean Croise

2 Imbili 21:11

Ukonjelezyapo akazenga apakwiputilapo ivifwani mumaghamba agha mu Yuda nukubapela abantu aba mu Yelusalemu ukuti biputaye abachala abanji, po akabasovya abantu aba mu Yuda.

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 33:24

“Nkimba utazimenye zizyo abantu bakunena izyakuti, ‘U Mwene abukana ubumwene bubili bula bubo akabusala’? Po abantu bala bakubobezya abantu bane umwakuti batakuboneka sona ngati luko.

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Ezekiyeli 16:46

“ ‘Umukulu wako umulindu akaba mu Samaliya, yuyo akikalagha kumitu kukwako na bana bache abalindu. Yuyo akikalagha kuntende na bana bache abalindu, akaba we Sodomu.

Ezekiyeli 16:47

Pope bulo utakakonka inkalo zyabo, nukubomba ivyamwiko, loli pakabalilo akapimpa bulo ukaba mubibi nkani ukubachila abene.

Ezekiyeli 16:51

“ ‘Wepe u Samaliya atakabombapo uhafu uwa mbibi zizyo wabomba. Wabomba ivyamwiko ukubachila abene nukubapela abawamwinyu babo pakuba bagholosu ukuchila awe ni mbibi zizyo wabomba.

Ezekiyeli 23:44

Bakaghona nu mukolo yula ngati mumo abanavuli bakughonela na bamalaya, po bakabaghona Ohola nu Oholiba.

Ezekiyeli 23:9

“Polelo nkamubika munyobe izya baghaniwa bache, aba Asiliya babo akabikilako umoyo wache.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Ukukumbusya Amalamulo 24:1

Buli nanti umwanavuli amusenda umukolo, loli pisinda pache umukolo yula atakumuhobosya sona, pachifukwa ichakuti amwagha nacho chimo ichakukozya isoni, po amusimbile ukalata uwasoka nukumupa umukolo yula. Po angamwefyamo munyumba yache.

Ukukumbusya Amalamulo 24:3

sona nanti wepe umwanavuli uyunji yula atakumulonda, nukusimba ukalata uwakusoka nukumupa umukolo yula. Nanti umukolo yula amwefyamo munyumba yache, pamo nanti umwanavuli afwa,