Yelemiya 3:5 - IBAYIBOLO 2024

⁵ Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 3:5 Iomraidhean Croise

2 Imbili 29:10

Losi ulu nkulonda pakufingana ulufingo nu Mwene, u Chala uwa Izilayeli, umwakuti ubukali bwache butozoke.

Masalimo 85:5

Nkimba ukwiza pakutukalalila bwila na bwila? Nkimba ukwiza pakukalala mupaka ku nkulilo izya muntazi?

Masalimo 85:6

Nkimba utakwiza pakutupa sona ubumi ukuti twe bantu bako tusekelaye mumwako?

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Yesaya 64:9

Wee Mwene, utakatukalalilaye ukuchilapo, sona utakazikumbukaye, imbibi zyitu bwila na bwila. Wee, utupelele ichisa twalaba, pakuti twebosi twe bantu bako.

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Ezekiyeli 22:6

“ ‘Ennya abamwene aba ba Izilayeli bali pakasi papinyu bakukupula ibanda pakubombezya ubulaghili bwabo.

Mika 2:1

Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.