Yelemiya 3:25 - IBAYIBOLO 2024

²⁵ Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 3:25 Iomraidhean Croise

Masalimo 106:6

Twananga ngati mumo abanyenya bitu banangila, aswe twe babibi sona twananga nkani.

Masalimo 106:7

Bo abanyenya bitu bali mu Ijiputi, batakinong'onelako ku vyika vyako. Batakakumbuka ukuti ukababombela ivintu ivyiza, po bakakusambukila pa Nyanja Inchesamu.

Masalimo 109:29

Abantu abakwiminkana nane babanje ni soni sona bannyembetililiwanje isoni ngati mwenda.

Ivyili 13:18

Umuntu yuyo akughasulannya amafundwe akuba mupina sona mukozya isoni, loli yuyo akwivwila zizyo abanji bakumubuzya, akuchindikiwanga.

Ivyili 5:13

Intakabivwilagha abamanyisi bane pamo ukubateghezya babo bakampanga amahala.

Yesaya 48:8

Mutavyivuyepo pamo ukuvimanya, ukwanda bulo kale amakutu ghinyu ghatighukitepo. Pachifukwa ichakuti nkumanya ukuti awe we mulwani, ukitiziwanga ukuti we musambuke, ukwanda ko kubwana bwako.

Yesaya 50:11

Loli mwebosi mwe mukupemba umoto, mwe mukukozya umoto uwa mazimwa, bukagha, mwendaye mulukozyo, ulwa moto winyu uwa mazimwa ghugho mwapemba! Chicho mukwiza pakupokela ukufuma munyobe zyane chakuti, mukwiza pakulambalala pasi mu mayimba.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 12:13

Bakwiza pakupesa ingano, loli bakwiza pakuvuna amivwa. Bakwiza pakulita nkani pakubomba imbombo, loli batakwiza pakuvunamo nakamokamo. Inyinulo yabo yikwiza pakubakozya isoni pachifukwa icha bukali ubwa Mwene.”

Yelemiya 14:20

Wee Mwene, tukwitika ububibi bwitu, sona ni mbibi izya banyenya bitu, pakuti naloliloli twakunangila.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 2:26

“Ngati mumo u mwiba akubela ni soni bo alemiwa, momumo aba Izilayeli bakubela ni soni, na bamwene babo na makambala ghabo na baputi babo sona na balaghuzi babo.

Yelemiya 20:18

Nkimba choni chicho nkapapiwa? Nkimba nkapapiliwa intamyo ni chitima, nukuti ubumi bwane bumalile mukukoziwa isoni?

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 31:19

Pakuti bo twakunangila, tukapinduka. Bo twazyaghannya tukikoma pachifuba. Twakoziwa isoni nukusamuliwa pa zizyo twabomba, pachifukwa icha mbibi zyitu izya ku bulumendo.’

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Yelemiya 9:18

Bize umwalubilolubilo pakutulila, ukuti amaso ghitu ghafumaye amasozi, sona muvisighe vyitu mwizulaye amizi.

Nkuto 5:16

Impumpu yitu yawa kumitu yitu, sona twaghuniwa pachifukwa ichakuti twananga nkani!

Nkuto 5:7

Abanyenya bitu bakananga, po bazimila, aswe tukufundiwa pachifukwa icha imbibi zyabo.

Ezekiyeli 2:3

Akati, “Wee Mwana uwa muntu, nkukutuma kuba Izilayeli, uluko ulwakusambuka lulo lunsambukiye. Abene poka nabanyenya babo bansambukiye mupaka nilelo bulo.

Ezekiyeli 36:32

Nkulonda ukuti muzimanye ukuti intakubomba ichi pachifukwa chinyu, u Mwene Uwamaka Ghosi anena. Mukoziwanje isoni nukusamuliwa chifukwa icha mbombo zyinyu, amwe mweba Izilayeli!

Ezekiyeli 44:13

Batakapalamilaye nukumbombela ngati baputi pamo pakupalamila kuvintu vyane ivizelu pamo ivyakwiyipa vyane ivizelu, loli bakwiza pakukoziwa isoni pachifukwa icha mwiko ghugho babomba.

Ezekiyeli 7:18

Bakwiza pakuvwala amasaka, sona ubogha bukwiza pakubalema. Ivyeni vyabo vikwiza pakuba ni soni, sona bakwiza pakumwa isisi kumitu yabo.

Daniyeli 12:2

Abantu abinji babo bakafwa kale sona bakasyiliwa bakwiza pakuzyuka. Abanji bakwiza bakwilaghagha ubumi ubwa bwila na bwila sona bamo bakwiza pakufundiwanga bwila na bwila.

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Zefaniya 1:17

“Nkwiza pakubawisizya abantu intamyo sona bakwiza pakwenda ngati bafwamaso, pachifukwa ichakuti bamunangila u Mwene. Ibanda lyabo likwiza pakukupuka ngati lufumbi sona imivimba yabo yikwiza pakuba ngati vintu ivinyazu.”

Aba Loma 6:21

Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene!

Abalongi 2:2

Po namwe bulo mutakafinganaye nalumo ulufingo na bantu aba muchisu chinichi. Loli mumongolannye ivighemo vyabo vyosi.’ Pope bulo amwe mutakanyivwila, awe. Nkimba choni chicho mwabomba bunubu?