Yelemiya 3:23 - IBAYIBOLO 2024

²³ Naloli, ichongo ichakwiputa ivifwani patughamba na pamaghamba chabuzimbuli, Naloli ubupoki bwitu buli mwa Mwene u Chala uwa Izilayeli.

Yelemiya 3:23 Iomraidhean Croise

Masalimo 3:8

Ubupoki bukufuma kwa Mwene, sona ulusayo lwako lubanje pabantu bako.

Masalimo 62:7

Ubupoki bwane nu muchizi wane vyosi vili mwa Chala, we lyalabwe lyane ilyamaka, sona buzilo bwane ubwakuvwamilamo.

Ivyili 21:31

Ifalasi yikuyaniziwanga pisiku ilya bwite, loli ubupoti buli munyobe izya Mwene.

Yesaya 10:20

Mwisiku lila abakusyalako mu Izilayeli, na babo bakapona abamunyumba iya Yakobo, batakwiza pakumusubila yuyo akabayivyanga, naloliloli bakwiza pakumusubila u Mwene Umuzelu uwa Izilayeli.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 43:11

Ane, ne mwene ne Mwene atalipo sona uyunji yuyo angabapoka.

Yesaya 44:9

Bosi babo bakupanga ivifwani babulo, sona nivintu vivyo bakusunga vite ni mbombo. Babo bakuvyiputa bafwamaso, batakumanya nachimochimo, bakwiza pakukoziwa isoni.

Yesaya 45:15

Zyanaloli ukuti awe we Chala yuyo akwifisa mwene, Wee Chala nu Mupoki uwa Izilayeli.

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yesaya 45:20

Mubungane poka nukwiza, amwe inko izya bantu. Mupalamile papipi, mwe mukapona ku bantu aba inko izinji. Abapunganu bo babo bakunyamula ivifwani ivya kubiza, babo bakwiputa kuvifwani vivyo vitangabapoka.

Yesaya 63:1

Nkimba wewenu yuyo akufumila kuchisu icha Edomu, mukaya aka Bozila, yuyo avwalite amenda amachesamu? Nkimba wewenu yuyo avwalite inkazo inyiza, sona akwenda namaka? “Nene Mwene, nkunena ubwanaloli, sona uwamaka pakupoka.”

Yesaya 63:16

Loli awe we Tata witu, napapo u Abulahamu atakatumanya, pamo aba Izilayeli pakutwitika, Wee Mwene we Tata witu, we mutabuli witu ukwanda bulo kale lyo litabwa lyako.

Yelemiya 14:8

Wee lusubilo ulwa ba Izilayeli, we Mupoki wabo pakabalilo akantamyo, nkimba choni chicho ukuba ngati we muyeni muchisu, ngati mwendazila yuyo akwikalamo bulo ubusiku boka mpela?

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Yelemiya 17:2

Bope na bana babo bakuvikumbuka ivighemo vyabo, ni chifwani chabo icha Ashela, sona muntende mumakwi na patumaghamba ututali.

Yelemiya 3:6

Mubulaghili ubwa mwene u Yosiya, u Mwene akambuzya akati, “Nkimba wazyennya zizyo u Izilayeli umusita kusubiliwa yula azibomba? Ankana pakukwela pighamba pamwanya sona na muntende mumakwi mulamula, abomba ubwamalaya.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Yohani 4:22

Amwe mwe ba Samaliya mutamumenye yuyo mukumwiputa, loli aswe twe ba Yuda tumumenye yuyo tukumwiputa pakuti ubupoki bukufumila mu ba Yuda.