Yelemiya 3:2 - IBAYIBOLO 2024

² Ennya pamwanya pamaghamba. Nkimba buzilo boni bubo utabombeyepo ubwamalaya? Ukabalindilila abaghaniwa bako mulubazu muzila, ukikala mulubazu ulwa musebo ngati mu Alabu yuyo avwamiliye. Wachinyazya ichisu nu bwamalaya sona nu bubibi bwako.

Yelemiya 3:2 Iomraidhean Croise

Ubwandilo 38:14

Po akavula amenda ghache aghabufwilwe ghala nukuvwala aghanji. Akavwinka icheni chache nu mwenda, nukwikala pamulyango uwa kaya aka Enayimu, akaya kako kakaba mulubazu ulwa musebo waku Timuna. U Tamala akazimanya ukuti pakabalilo aka u Shela akaba ukuti akula, loli akaba achili atapeghiwe pakuba mulume wache.

1 Abamwene 11:3

U Solomoni akasenda abakolo 700, babo bakaba bana aba bamwene, nukuba sona na bachi abazya 300, po abachi bache bala bakamusovya.

2 Abamwene 23:13

Pisinda pache u mwene akanangannya sona inyumba izyakwiputilamo abachala abayeni zizyo zikaba kubufumilo ubwa Yelusalemu kuntende ukwa lighamba ilya umwiko. Inyumba zizyo u Solomoni, u mwene uwa ba Izilayeli, akamuzengela u Ashitoleti u chala uwamwiko Sidoni, u chala umukolo uwa Sidoni nu kemoshi u chala uwa mwiko uwa Mowabu, sona u Moleki, uchala uwa mwiko u Amoni.

Masalimo 106:38

Bakabaghogha abantu babo bate ninongwa, kokuti ibanda ilya bana babo abalumendo na balindu, Bakiyipa abana banaba pakuba chakwiyipa ku bachala aba mu Kenani, ichisu chila chikanyala ni banda lyabo.

Ivyili 23:28

Akuvwamililagha ngati livyondongo, sona abanavuli abinji batakuba basubiliwa pachifukwa icha yuyo.

Ivyili 7:11

Umukolo yula atakwikalana, sona ate ni soni atakwikalagha na panyumba.

Yelemiya 12:12

Abakunangannya bakwiza mubuzilo bosi ubwapamwanya bubo buli munkolongo. Pakuti ubwite ubwa Mwene bukwiza pakuchinangannya ichisu ukwandila kubwandilo mupaka kubumalilo, sona atalipo nayumoyumo uwakupona.

Yelemiya 2:20

“Pakuti kale ukapyola ikoli lyako nukudumulannya iminyololo yako ukati, ‘Ntakwiza pakukubombela!’ Momumo, pighamba lyosi sona na muntende mwikwi lyosi ilyakuvwinka ukughona nukubomba ubwamalaya.

Yelemiya 2:23

“Nkimba unganena bulibuli ukuti, ‘Ntinyazizyepo, sona ntabiputitepo lumo aba Baala’? Ennya mumo ukabombela mwikombe, sona wennye nazizyo ukabomba. Wayana bulo ni ngamila inkolo yiyo yikuchimbilila uku na kula,

Yelemiya 2:7

Nkabinjizya muchisu icha muvundo ukuti mulyanje ivikomwa ivyiza sona nivyiza vyosi. Loli mukinjila nukuchinyazya ichisu chane chicho nkabapa nukuchipela pakuba chinyazu.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Yelemiya 3:9

Pakuti u Yuda akachennya chintu chipepe pakubomba ubwamalaya, akachinyazya ichisu, akalowa pakughiputa amabwe sona na makwi.

Yelemiya 7:29

“ ‘Lilagha mwe bantu aba mu Yelusalemu, mwanga isisi zyinyu sona muzisumbe, mulile nkani pamwanya patughamba, pakuti ane ne Mwene nkalaye sona nabakana abantu bane.

Ezekiyeli 16:16

Ukasendapo amenda ghako ghamo nukulabannya ubuzilo ubwapamwanya ubwa kwiputilapo ivifwani, papo ukendelela nu bwamalaya bwako. Ivintu vinivi vitakabombiwepo nalumo pamo ukubonekapo.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Luka 16:23

Bo akuyimba nkani muchisu icha bantu abafwe, akamwennya u Abulahamu pabutalipo poka nu Lazalo kulubazu lwache.

Ukukumbusya Amalamulo 12:2

Bo mwachifyula ichisu chilachila, munangannye ubuzilo bosi ubwapamwanya ubwakwiputilapo ivifwani, bubo abantu babo mukuchifyula ichisu chabo bakubiputilapo abachala babo, bubo buli mumaghamba amatali, na mutumaghamba, sona na muntende mumakwi ghagho ghavwinkite akiza.