Yelemiya 3:19 - IBAYIBOLO 2024

¹⁹ U Mwene akuti, “Wee Izilayeli, nalondagha pakukupokela, ngati we mwana wane nukukupa ichisu ichiza nkani, ichilingo ichiza nkani ichakuchila icha inko zyosi. Ninong'onagha ukuti unyitizyanje ukuti, ‘Tata,’ sona nukuti utakwiza pakuleka pakunkonka.

Yelemiya 3:19 Iomraidhean Croise

Masalimo 106:24

Abantu bakachisulannya ichisu ichamboto chilachila, umwakuti batakalisubila ilayizyo lyache.

Masalimo 16:6

Impaka iya buzilo bwane yaba nyiza, naloli napokela ichilingo ichiza

Masalimo 89:26

Ambuzye ukuti, ‘Awe we Tata wane nu Chala wane, sona we lyalabwe Umupoki wane.’

Ivyili 3:35

Umuntu uwamahala akupokela umuchizi, loli akumukozya isoni umuntu umupunganu.

Yesaya 63:16

Loli awe we Tata witu, napapo u Abulahamu atakatumanya, pamo aba Izilayeli pakutwitika, Wee Mwene we Tata witu, we mutabuli witu ukwanda bulo kale lyo litabwa lyako.

Yesaya 64:8

Wee Mwene naloli we Tata witu. Twe litope, awe we mumati, twebosi twe mbombo izya nyobe yako.

Yelemiya 12:10

Abadimi abinji baghunangannya umughunda wane uwa mampesya, sona bakughukanyankila, baghupela umughunda wane umwiza ghula pakuba nkolongo.

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 3:4

Nkimba ute wewe wanyitizya lunulu bulo ukuti, ‘Tata wane, mumanyani wane ukwanda po pabulumendo bwane?

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 31:9

Bakwiza pakunyokela kukwabo bo bakulila, bakwiza pakwiputagha bo bakunyokela. Nkwiza pakubalongolezezya kutusoko utwa mizi. Batakwiza pakwipunulamo mumusebo umutenganu, pachifukwa ichakuti ne wise uwa ba Izilayeli, sona u Efulayimu we katote wane.”

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Ezekiyeli 20:6

Pisiku lilalila nkalapa kukwabo ukuti nkwiza pakubefyamo muchisu icha Ijiputi nukubabika muchisu chicho nabalondela, ichisu ichamboto, ichisu ichiza nkani pavyisu vyosi.

Daniyeli 11:16

U mwene uwa kumitu akwiza pakubomba zizyo akulonda, atalipo nayumo, yuyo akwiza pakwiminkana nawe. Akwiza pakwikalana muchisu ichakuboneka akiza nkani, po ivintu vyosi vikwiza pakuba pasi pabulaghili bwache.

Daniyeli 11:41

Akwiza pakulwa ubwite ni Chisu ichakuboneka akiza nkani nukughogha abantu amasabuzani na masabuzani, loli ivyisu ivya Edomu, ni icha Mowabu sona na balongozi aba chisu icha Amoni bakwiza pakupona.

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Daniyeli 8:9

Palupembe loka pakamelapo ulupembe ulunandi lulo lukaba lukulu nkani, lukennyanga kuntende, na kubufumilo ubwizuba, sona na ku Chisu Ichakuboneka akiza nkani.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Aba Galatiya 3:26

Mwebosi mwe bana aba Chala pakwendela mulwitiko mwa Kilisitu u Yesu.

Aba Efeso 1:5

Pachifukwa ichakuti akatughana akatuyanizya zila ukuti atupokele pakuba bana bache mwa Yesu Kilisitu. Akabomba zinizi pachifukwa ichakuti akalondagha pakulanjizya ichisa chache.

Ukukumbusya Amalamulo 14:1

Amwe mwe bantu aba Mwene u Chala winyu. Po nanti muli pachililo, mutakibolannyanje pamo ukumwa isisi,

Aba Hebeli 10:39

Aswe tute twe bantu babo bakunyokela kwisinda nukusobela, awe. Loli twe bantu aba lwitiko, sona tupokiwe.

1 Pitala 1:17

U Chala yuyo mukumwitizya ukuti Tata atakubomba ivintu pakwennya icheni, loli akubalonga abantu ukuyana ni mbombo zyabo. Polelo mubaghiye pakumuchindika u Chala pakabalilo kako mukwikala ngati mwe bayeni muchisu ichapasi.