Yelemiya 3:18 - IBAYIBOLO 2024

¹⁸ Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Yelemiya 3:18 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Yesaya 43:5

Utakanyilaye, pakuti indi nawe poka, nkwiza pakukwizila nabana bako, ukufumila kubufumilo bwizuba, nukubabungannya amwe kubwinjililo bwizuba.

Yesaya 43:6

Nkwiza pakunena kuchisu icha kumitu ukuti, ‘Balekezye!’ sona kuchisu ichakuntende ukuti, ‘Utakabakanizyanje.’ Zagha na bana bane abalumendo ukufuma kubutali, nabana bane abalindu ukufuma kubumalilo ubwa chisu.

Yelemiya 16:15

loli bakwiza pakunena ukuti, ‘Nkulapila mwa Mwene umumi, yuyo akabefya abantu bache muchisu icha kumitu na muvyisu vyosi vivyo akabachimbizizyako.’ Pakuti nkwiza pakubanyosezyamo muchisu chicho nkabapa abanyenya babo.”

Yelemiya 23:8

loli bakwiza pakuti, ‘Tukulapila mwa Mwene umumi, yuyo akabafumya aba Izilayeli muchisu icha kumitu sona na kuvyisu vyosi vivyo akabanyampanizizyako.’ Po bakwiza pakwikala muchisu ichabo ni chabo.”

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 31:8

Nkwiza pakubefyako kuchisu icha kumitu nukubabungannya ukufumila kubumalilo ubwa chisu. Pakasi papabo pakwiza pakubapo abafwamaso na balemazu, abakolo babo bakaba ni nyanda na bakolo babo bakaba papipi pakusayiwa. Ichilundilo icha bantu chikwiza pakunyokako.

Yelemiya 50:20

Mumasiku ghalaghala sona pakabalilo kalakala, nkwiza pakulondelezya ukunanga ukwa Izilayeli, loli kutakwiza pakwaghiwa, sona zilondelezye imbibi izya Yuda, loli zitakwiza pakwaghiwa, pakuti nkwiza pakubahobokela abakusyalako bala. Ane ne Mwene nanena.”

Yelemiya 50:4

U Mwene akuti, “Mumasiku ghalaghala sona pakabalilo kalakala, abantu aba mu Izilayeli poka naba mu Yuda bakwiza pakulilagha bo bakumulondelezya u Mwene u Chala wabo.

Yelemiya 50:5

Bakwiza pakulalusya izila iyakubuka ku Ziyoni bo benizye ivyeni vyabo kulakula. Bakwiza pakumamatilana poka nu Mwene, nukufinga nawe ulufingo ulwa bwila na bwila lulo lutakwiza pakuluviwapo nalumolumo.

Yelemiya 7:7

po nkwiza pakubitikizya pakwikala pabuzilo bunubu, muchisu chicho nkabapa abanyenya binyu ukuti chibanje chabo bwila na bwila.

Ezekiyeli 11:17

“Polelo ubabuzye ukuti u Mwene Uwamaka Ghosi akuti, ‘Nkwiza pakubabungannya ukufuma ku inko nukubanyosezya muvyisu mumo mukanyampana, po nkwiza pakubanyosezya sona ichisu icha Izilayeli.’

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Hoseya 11:12

U Efulayimu anzyunguliye nu bumyasi, sona bope aba Izilayeli banzyunguliye nu buzimbuli. Abantu aba mu Yuda bachili bali nu Chala, sona basubiliwa nkani ku yuyo Muzelu.

Hoseya 2:2

Muchemele unyoko, muchemele, pakuti ate muchi wane, sona nane inte ne mulume wache. Umubuzye ukuti aleke ubwamalaya bwache, sona nu bulowe bubo ali nabo.

Amosi 9:15

Nkwiza pakubikazya aba Izilayeli muchisu ichabo ni chabo, batakwiza pakunyunkuliwamo sona muchisu chicho nabapa.” U Mwene u Chala winyu anena.

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Zekaliya 2:6

U Mwene ati, “Zagha! Zagha! Mwee, chimbilako kuchisu icha kumitu, pakuti nabanyampanizizya mumpepo folo izya mumwanya.