Yelemiya 3:17 - IBAYIBOLO 202417 Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi. Faic an caibideil |
Sona bakwiza pakubizila na bawamwinyu bosi, ku inko zyosi, kwi ghamba lyane izelu mu Yelusalemu pakuba chakwiyipa kwa Mwene pafalasi, pangolo izya chela, pampunda sona na pangamila.” U Mwene anena. “Bakwiza nabo, ngati mumo aba Izilayeli bakwizila ni chakwiyipa chabo icha busu, ku Nyumba iya Mwene bo banyamuliye muvibombelo vivyo viswefiwe.
Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.
Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.
Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.