Yelemiya 3:15 - IBAYIBOLO 2024

¹⁵ Po nkwiza pakubapa abadimi aba pamoyo uwane nu wane, babo bakwiza pakubalongozya na mahala sona nu bumanyi.

Yelemiya 3:15 Iomraidhean Croise

Ivyili 10:21

Amazyu agha muntu umugholosu ghakubavwa abinji, loli abapunganu bakufwa pachifukwa ichakuti bate na mahala.

Yelemiya 23:4

Nkwiza pakubalondela abalongozi babo bamenye pakubasungilila sona batakwiza pakunyilagha pamo ukoghofiwa, pamo pakusobelapo. Ane ne Mwene nanena.

Yelemiya 31:10

U Mwene akuti, “Mwee inko, nteghelezya. Lumbilila amazyu ku bantu muvyisu ivya mulubazu ulwa nyanja, munenaye mutinji, ‘Yuyo akabanyampannya aba Izilayeli akwiza pakubabungannya, sona akwiza pakughusungilila umudimo ngati mumo umudimi akusungilila ing'ozi zyache.’

Ezekiyeli 34:2

“Wee mwana uwa muntu, laghula umwakubasusya abadimi aba mu Izilayeli, laghula nukubabuzya ukuti, ‘Izi zyo zizyo u Mwene Uwamaka Ghosi akambuzya akati: Chighune ku badimi aba mu Izilayeli babo bakwisungilila bene! Nkimba abadimi batakughusungilila umudimo?

Ezekiyeli 34:23

Nkwiza pakuzipa umudimi weka, umubombi wane u Devedi, sona akwiza pakuzisungilila nukuba mudimi wabo.

Ezekiyeli 37:24

“ ‘Umubombi wane u Devedi akwiza pakuba we mwene wabo, sona bosi bakwiza pakuba nu mudimi weka. Bakwiza pakukonka indaghilo zyane nukusungilila akiza ivimanyisyo vyane.

Luka 12:42

U Mwene akamula akati, “Nkimba wewenu wambombo umusubiliwa nu wamahala? Weyuyo u mwene wache akumubika pakuba we songo uwa vintu vyache vyosi nukubapa abambombo abanji ichakulya pakabalilo akiza.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

1 Aba Kolinti 2:6

Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala.

1 Pitala 2:2

Mubanje ngati mwe babonda, munyonywanje ulukama ulwenecho, sona ulwabuzimu, umwakuti pakung'wela ulukama ulu mungakula nukupokiwa,

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”