Yelemiya 3:12 - IBAYIBOLO 2024

¹² U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 3:12 Iomraidhean Croise

Ubwandilo 4:7

Nanti ukabombagha chicho chiza, nkimba ngali intakahoboka nawe? Loli pachifukwa ichakuti wabomba ichintu ichibibi, imbibi yinyonyotaye pamulyango ngati chinyamana ichikali. Yikulonda ukuti yikuleme, loli awe uyipotaye.”

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

2 Abamwene 17:23

Pabumalilo u Mwene akabefyapo pamaso papache ukuyana namumo ababombi bache bosi abalaghuzi bakabasokela. Po aba Izilayeli bakalemiwa muchisu chabo nukubuka ku Asiliya pakuba bazya, kuko bachili bali kulakula mupaka nilelo bulo.

2 Abamwene 17:6

ghugho ghukaba mwaka uwa nayini bo u mwene Hosheya akulaghila, u mwene uwamu Asiliya akakafyula akaya akakulu nkani aka Samaliya. Akabalema aba Izilayeli nukubuka nabo ku Asiliya pakuba bakayidi nukubikazya mukaya akakulu nkani aka Hala, muchigaba icha Gozani mulubazu ulwa lusoko ulwa Haboli, sona na mutwaya utukulu nkani utwa ba Mediya.

2 Abamwene 18:1

Mumwaka uwabutatu bo u Hosheya, umwana uwa Ela akulaghila mu Izilayeli, u Hezekiya umwana uwa Ahazi akaba we mwene uwamu Yuda.

2 Imbili 29:10

Losi ulu nkulonda pakufingana ulufingo nu Mwene, u Chala uwa Izilayeli, umwakuti ubukali bwache butozoke.

2 Imbili 30:9

Nanti mwanyokela kwa Mwene, po abantu babo bakalema abakamu binyu na bana binyu bakwiza pakubapelela ichisa, sona bakwiza pakunyokela muchisu chinichi, pakuti u Mwene u Chala winyu wachisa sona wachililizi. Atakwiza pakubapa inkonto nanti mwanyokela kukwache.”

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 103:9

Atakwiza pakutuchemela akabalilo kosi, sona ubukali bwache butakwiza pakubangako bwila na bwila.

Masalimo 145:8

U Mwene, wachisa sona wachililizi, atakukalala mwalwemwalwe, sona uwa lughano lulo lutakupotwangapo nalumolumo.

Masalimo 79:5

Wee Mwene, nkimba ukwiza pakutukalalila mupaka liyi? Fwandi ubuzuba bwako bukwiza pakwaka ngati moto mupaka liyi?

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Yesaya 31:6

Mwee ba Izilayeli nyokela kukwache yuyo mumusamubukiye.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yelemiya 11:6

U Mwene akanena nane akati, “Lumbilila amazyu ghosi ghanagha mutwaya utukulu utwa Yuda na mumisebo iya Yelusalemu: Teghelezya ku amazyu agha lufingo nukughakonka.

Yelemiya 12:15

Loli bo nabanyunkulamo, nkwiza pakubapelela sona ichisa abapalamani bala, sona nkwiza pakulunyosezya uluko losi kuchilingo chache na kuchisu ichache ni chache.

Yelemiya 23:8

loli bakwiza pakuti, ‘Tukulapila mwa Mwene umumi, yuyo akabafumya aba Izilayeli muchisu icha kumitu sona na kuvyisu vyosi vivyo akabanyampanizizyako.’ Po bakwiza pakwikala muchisu ichabo ni chabo.”

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:14

U Mwene akuti, “Nyokela kukwane mwe bantu abasita kusubiliwa, pakuti ane ne mulume winyu. Nkwiza pakumusenda weka ukufuma mukaya koka sona babili ukufuma muluko loka ukubuka namwe ku Ziyoni.

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 3:5

Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 3:7

Nkinong'ona ukuti nanti azibomba zyosi zinizi akwiza pakunyokele kukwane loli atakachibomba chinichi, sona u muyemba wache umusita kusubiliwa u Yuda akachennya chinichi.

Yelemiya 30:11

Indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 31:21

“Mubike ivimanyilo mumusebo, mwibikile mwebene ivikwangwani. Muwenelezye nkani umusebo umukulu nkani, umusebo ghugho mukwiza pakwendamo bo mukubuka. Mwee ba Izilayeli nyokela nyokela ku twaya twinyu utukulu tuto mukatuleka.

Yelemiya 31:8

Nkwiza pakubefyako kuchisu icha kumitu nukubabungannya ukufumila kubumalilo ubwa chisu. Pakasi papabo pakwiza pakubapo abafwamaso na balemazu, abakolo babo bakaba ni nyanda na bakolo babo bakaba papipi pakusayiwa. Ichilundilo icha bantu chikwiza pakunyokako.

Yelemiya 33:26

po nkwiza pakubakana abaluko ulwa Yakobo nu Devedi umubombi wane. Ntakwiza pakumusala umwana weka uwa Devedi ukuti abalaghilaye abaluko ulwa Abulahamu nu Yisaki sona nu Yakobo. Pakuti nkwiza pakubanyosezya ubukabi bwabo sona nkwiza pakubapelela ichisa.”

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Ezekiyeli 11:17

“Polelo ubabuzye ukuti u Mwene Uwamaka Ghosi akuti, ‘Nkwiza pakubabungannya ukufuma ku inko nukubanyosezya muvyisu mumo mukanyampana, po nkwiza pakubanyosezya sona ichisu icha Izilayeli.’

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Aba Levi 26:40

“Loli nanti abaluko lwabo bakwilata imbibi zyabo, sona ni mbibi izya banyenya babo, pachifukwa ichakusita kusubiliwa kwabo nukumbenga,

Zekaliya 1:4

Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Ukukumbusya Amalamulo 30:2

sona nanti amwe na bana binyu mukunyokela kwa Mwene u Chala winyu, nukumwivwila na moyo ghinyu ghosi, sona nu muzimu winyu ghosi ukuyana na malamulo ghagho nkubapa ilelo,