Yelemiya 3:11 - IBAYIBOLO 2024

¹¹ U Mwene akambuzya akati, “Umu Izilayeli umusita kusubiliwa mugholosu nkani ukumuchila u Yuda umusita kusubiliwa.”

Yelemiya 3:11 Iomraidhean Croise

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 3:7

Nkinong'ona ukuti nanti azibomba zyosi zinizi akwiza pakunyokele kukwane loli atakachibomba chinichi, sona u muyemba wache umusita kusubiliwa u Yuda akachennya chinichi.

Yelemiya 3:8

Nkamupa u Izilayeli umusita kusubiliwa yula ukalata uwasoka. Loli pope bulo umuyemba wache u Yuda umusita kusubiliwa yula atakaba nubogha nabumobumo, wepe bulo akabuka pakulowa.

Ezekiyeli 16:47

Pope bulo utakakonka inkalo zyabo, nukubomba ivyamwiko, loli pakabalilo akapimpa bulo ukaba mubibi nkani ukubachila abene.

Ezekiyeli 23:11

“Umuzuna wache Oholiba akazyennya zinizi, loli akaba we malaya ukumuchila umukulu wache.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?