Yelemiya 3:1 - IBAYIBOLO 2024

¹ “Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:1 Iomraidhean Croise

Masalimo 106:38

Bakabaghogha abantu babo bate ninongwa, kokuti ibanda ilya bana babo abalumendo na balindu, Bakiyipa abana banaba pakuba chakwiyipa ku bachala aba mu Kenani, ichisu chila chikanyala ni banda lyabo.

Yesaya 24:5

Abantu bachinyazya ichisu ichapasi, nukuzinangannya indaghilo nivimanyisyo, nukulunangannya ulufingo ulwa bwila na bwila.

Yelemiya 2:20

“Pakuti kale ukapyola ikoli lyako nukudumulannya iminyololo yako ukati, ‘Ntakwiza pakukubombela!’ Momumo, pighamba lyosi sona na muntende mwikwi lyosi ilyakuvwinka ukughona nukubomba ubwamalaya.

Yelemiya 2:23

“Nkimba unganena bulibuli ukuti, ‘Ntinyazizyepo, sona ntabiputitepo lumo aba Baala’? Ennya mumo ukabombela mwikombe, sona wennye nazizyo ukabomba. Wayana bulo ni ngamila inkolo yiyo yikuchimbilila uku na kula,

Yelemiya 2:7

Nkabinjizya muchisu icha muvundo ukuti mulyanje ivikomwa ivyiza sona nivyiza vyosi. Loli mukinjila nukuchinyazya ichisu chane chicho nkabapa nukuchipela pakuba chinyazu.

Yelemiya 22:20

U Mwene akubabuzya abantu aba mu Yelusalemu ukuti, “Kwela kumaghamba agha Lebanoni, nukulila kulakula umwakukolomoka, amazyu ghinyu ghivwike mupaka ku Bashani, mulilaye umwakukolomoka bo muli mumaghamba agha Mowabu, pakuti abamanyani binyu bosi bapotwa.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 3:9

Pakuti u Yuda akachennya chintu chipepe pakubomba ubwamalaya, akachinyazya ichisu, akalowa pakughiputa amabwe sona na makwi.

Yelemiya 31:22

Nkimba mukwiza pakwendakwenda mupaka liyi, mwee bana bane basita busubiliwa? U Mwene akwiza pakupela ichintu ichipya pachisu ichapasi, umukolo weyuyo akumusungilila umwanavuli.”

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Yelemiya 4:14

Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Nkuto 1:2

Pabusiku akulila nkani, sona amasozi ghatakumala mumasaya ghache. Atalipo nayumoyumo uwakumusangalusya pakasi pa baghaniwa bache bosi. Abamanyani bache bosi bamusambukiye, sona baba balwani bache.

Ezekiyeli 16:26

Ukabomba ubwamalaya naba Ijiputi, abapalamani bako abavinyonywa po ukankalalizya pachifukwa ukabalizya ubwamalaya bwako.

Ezekiyeli 16:30

“ ‘U Mwene Uwamaka Ghosi akuti: Umoyo wako mudedebazu nkani, wabomba zyosi zinizi ngati mukolo umalaya yuyo ate ni soni nazimozimo.

Ezekiyeli 16:35

U Mwene akambuzya akati, “Mubuzye u Yelusalemu ukuti, ‘Polelo, awe we malaya, ivwa amazyu agha Mwene!

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Hoseya 1:2

Bo u Mwene anda pakunenela mwa Hoseya akati, “Usende umalaya pakuba muchi wako, sona mupape nawe abana. Bope bakwiza pakuba bamalaya pachifukwa ichakuti ichisu chabomba ubwamalaya ubukulu nkani pakumupa u Mwene inkonto.”

Hoseya 2:2

Muchemele unyoko, muchemele, pakuti ate muchi wane, sona nane inte ne mulume wache. Umubuzye ukuti aleke ubwamalaya bwache, sona nu bulowe bubo ali nabo.

Mika 2:10

Nyamuka, bukagha! Pakuti ubu te buzilo bwinyu ubwakutuzyapo, pachifukwa ichakuti bunyazu, sona bwananganika ukuchilapo.

Zekaliya 1:3

Polelo babuzye abantu ukuti: U Mwene Uwamaka Ghosi ati, ‘Nyokela kukwane, po nane nkwiza pakunyokela kukwinyu.’ U Mwene Uwamaka Ghosi anena.

Matayi 5:31

“Zikaneniwa sona ukuti, ‘Umuntu wesi yuyo akumusosya umuchi, amupanje ukalata uwasoka.’

Ukukumbusya Amalamulo 22:21

po bamusendele umulindu yula pamulyango uwa nyumba iya wise. Abanavuli aba mukaya kala bamughoghe na mabwe. Umulindu yunuyu abomba ichintu ichamusamu pakasi paba Izilayeli pakulowa, bo achili ali munyumba iya wise. Bunubu mukwiza pakwefya ububibi pakasi papinyu.

Abalongi 19:2

Loli umukolo yula akamuleka umulume nukubwela kwa wise mu Betelehemu muchisu icha Yuda. Bo amala amezi folo munyumba iya wise,