Yelemiya 27:9 - IBAYIBOLO 2024

⁹ Pachifukwa chinichi mutakabivwilaye abalaghuzi binyu, na bantu babo bakunena ivya muntazi na babo bakusanusya ivilota, na babo bakunena ni mizimu iya bantu abafwe pamo abamayele, nanti bakubabuzya ukuti, “Mutakamubombelaye u mwene uwamu Babiloni.”

Yelemiya 27:9 Iomraidhean Croise

Ukufuma 22:18

“Umukolo wesi yuyo akubomba amayele, aghoghiwanje.

Ukufuma 7:11

Bunubo u Falabo akabitizya abantu bache abamahala na bamayele, umwakuti bope bakabomba bulabula.

Ivyili 19:27

Wee mwana wane, nanti ukuchisulannya ichimanyisyo chane, ukwiza pakwepukako kumazyu agha mahala.

Yesaya 8:19

Loli abantu bakwiza pakukubuzya ukuti utulalusikizyeko ku bantu babo bakunena ni mizimu, sona na bamayele bosi. Babo bakuteketa nukulila ngati kayuni, nkimba abantu batabaghiye pakulalusya kwa Chala wabo? Nkimba choni chicho bakubalaluzikizizya abantu abafwe mubuzilo ubwa bantu abumi?

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 23:16

U Mwene Uwamaka Ghosi akuti, “Mutakateghelezyanje ku zizyo abalaghuzi bakubalaghulila, bakubizuzya bulo ninyinong'ono izya buzimbuli. Bakunena nizya visetuka vivyo vili munyinong'ono zyabo, vivyo vitafumite mumulomo wane.

Yelemiya 23:25

“Nivuye zizyo abalaghuzi bakunena, sona bakulaghulila mwitabwa lyane, zizyo zyabumyasi bakukolomoka bakuti, ‘Nalota! Nalota!’

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yelemiya 29:8

U Mwene Uwamaka Ghosi, u Chala uwa Izilayeli akuti, “Mutakabitikizyanje abalaghuzi na babo bakunena ivya muntazi babo bali pakasi papinyu ukuti babazimbulaye. Mutakateghelezyanje ivilota vyabo.

Ezekiyeli 21:29

Ivisetuka vyinyu vyabumyasi, ukulaghula kwinyu kwabumyasi. Isingo zinyu zikwiza pakudumuliwa, sona mukwiza pakughoghiwa nupanga, pachifukwa chakuti mwe babibi. Isiku lyinyu lyabafikila, akabalilo aka kufundiwa kwinyu, kafika pabwenecho.

Daniyeli 4:7

Bo abamayele na balaghuzi na bakunena ni mizimu na basanuzyi aba vilota, biza pamaso papane nkababuzya ichilota chane chila, loli bakapotwa pakunsanuzizya.

Mika 3:7

Abakwennya ivyamuntazi bakwiza pakukoziwa isoni, bope abakulaghula bakwiza pakusamuliwa. Bakwiza pakuvwinka ivyeni vyabo, pachifukwa ichakuti u Chala atakubamula.”

Zekaliya 10:2

Ivifwani vikunena ubumyasi, bope abalaghuzi bakwennya ivisetuka ivyabumyasi, bakunena ivilota ivyabumyasi, ukusangalusya kwabo kwabulo. Polelo abantu bakwendakwenda bulo ngati ng'ozi izyakuyivyiwa zizyo zite nu mudimi.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Imbombo 8:11

Bakamuteghelezya pachifukwa ichakuti, ukwa kabalilo akatali nkani akabaswighisya abantu na mayele ghache.

Aba Efeso 5:6

Mutakamwitikizye nayumo umuntu ukuti abazimbule na mazyu aghabupunganu, pakuti ivintu vinivi vyo vivyo vikwiza nu bukali pakasi pabantu babo batakumwivwila u Chala.

Ukukumbusya Amalamulo 13:2

sona nanti ichilota pamo ichiswigho chila chakwanilisiwa naloli, sona nanti akuti, “Mwebaya, zagha tubiputaye abachala abanji, abachala babo amwe pamo abanyenya binyu mutabiputitepo nalumo, nukubabombela,”

Ukukumbusya Amalamulo 18:14

Abantu babo mukubuka pakubachimbizyamo muchisu chabo nukwikalamo, bo bantu abamayele na bakulaghula. Loli amwe, u Mwene u Chala winyu atakubitikizya ukuti mubombe bunubu.

Yoshwa 13:22

Aba Izilayeli bakamughogha wepe nu Balamu umwana uwa Bewoli, yuyo akaba wamayele.

Ubuvumbuli 18:23

Mutakwiza pakubonekapo nalumolumo ukulama ukwa nyale mumwako. Mumwako mutakwiza pakwivwikapo nalumo izyu ilya mwenesendwa nilya yuyo akusendwa. Abaghulizi bako bakaba bamaka nkani muchisu ichapasi. Ukabazimbula abantu bosi aba muchisu ichapasi na mayele ghako aghabumyasi.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.

Ubuvumbuli 9:21

Abantu bala batakaleka pakughogha kwabo pamo amayele ghabo, pamo ubwamalaya bwabo, pamo ubwiba bwabo.