Yelemiya 27:8 - IBAYIBOLO 2024

⁸ “ ‘Loli nanti uluko lumo, pamo ubumwene ubunji bosi butakwiza pakumubombela u Nebukadineza u mwene uwa chisu icha Babiloni, nukuleka pakumulambila u mwene yula, nkwiza pakulufunda uluko lula nupanga, nizala sona ni chiwaya mupaka inganangannye amaka agha luko lula. Ane ne Mwene nanena.

Yelemiya 27:8 Iomraidhean Croise

Yelemiya 24:10

Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 27:11

“ ‘Loli uluko losi lulo lukwiza pakumulambila u mwene uwa muchisu icha Babiloni nukumubombela, nkwiza pakululeka ukuti lusyale muchisu chache umwakuti lulimaye mulamula. Ane ne Mwene nanena.’ ”

Yelemiya 27:13

Nkimba choni chicho awe poka na bantu bako mufwilaye kubwite, nizala sona ni chiwaya, chicho u Mwene akaloghofya uluko losi lulo lutakamubombelagha u mwene uwa chisu icha Babiloni?

Yelemiya 28:14

U Mwene Uwamaka Ghosi, u Chala uwa Izilayeli akuti, ‘Nkwiza pakubika ikoli ilya chela musingo izya inko zyosi zinizi ukuti zimubombelaye u Nebukadineza u mwene uwa ku Babiloni sona zikwiza pakumubombela. Sona namupa ubulaghili napa vinyamana ivya muzi.’ ”

Yelemiya 28:4

Ane nene nkwiza pakumunyosezya sona u Yehoyakini, umwana uwa Yehoyakimu u mwene uwamu Yuda sona na bazya bosi aba mu Yuda babo bakabuka nabo ku Babiloni pakuti nkwiza pakulipyolannya ikoli ilya mwene uwamu Babiloni.’ ”

Yelemiya 29:17

U Mwene Uwamaka Ghosi akuti, “Nkwiza pakubatumila ubwite, nizala sona ni chiwaya, nkwiza pakubapela ngati vikomwa ivya makuyu vivyo vibolite sona umuntu atangalya napo panandi.

Yelemiya 29:18

Nkwiza pakubakonka nu bwite nizala sona ni chiwaya, nkwiza pakubapela pakuba chintu ichinyazu ku bantu bosi aba bumwene ubwa pachisu ichapasi. Bakwiza pakuba bantu baghuniwa na bantu abakoghofya, abakusekiwa naba kusamuliwa pakasi pabantu aba inko izya bantu kuko nkwiza pakubachimbizizyako.

Yelemiya 40:9

U Gedaliya umwana uwa Ahikamu, umwana uwa Shafani, akalapa ichilapo nukubasimikizya abantu bala ukuti, “Mutakanyilaye pakubabombela aba ku Babiloni. Mwikalane muchisu chinichi sona mumubombelaye u mwene uwamu Babiloni, po ivintu vyosi vikwiza pakubendelagha akiza.

Ezekiyeli 14:21

“U Mwene Uwamaka Ghosi akuti: Nkimba zikwiza pakuba bulibuli nanti nkutuma ubulongi bwane folo ubwakoghofya pa Yelusalemu nu bwite nizala ni vinyamana sona ni chiwaya pakubaghogha abantu ni vitekwa vyabo?