Yelemiya 27:5 - IBAYIBOLO 2024

⁵ Namaka ghane amakulu nkapela ichisu ichapasi, na bantu bache sona ni vinyamana vivyo vikwikala mulamula, sona nkumupa umuntu wesi yuyo nighanite pakumupa.

Yelemiya 27:5 Iomraidhean Croise

Ubwandilo 1:25

U Chala akavipela ivinyamana vyosi ivya muzi ivyakulekanalekana, ni vitekwa ivyakulekanalekana sona ni vinyamana vyosi ivyaluko nuluko ivyakwavula. Po u Chala akennya ukuti ichi chikaba chiza bulo.

Ubwandilo 9:6

Pakuti umuntu akapeliwa muchifwani icha Chala, polelo umuntu wesi yuyo akumughogha umuntu uwamwabo, wepe akwiza pakughoghiwa.

1 Abamwene 8:42

abantu bakwiza pakwivwa nizya itabwa lyako ikulu sona ni vintu ivikulu ni vyamaka vivyo wababombela abantu bako, nanti akwiza pakwiputa mu Nyumba iyi,

Ezila 1:2

“U mwene u Sayilasi uwamu Peleziya ati, “ ‘U Mwene u Chala uwakumwanya anyimika ukuti imbanje ne mulaghili uwa chisu chosi ichapasi sona ansalite ukuti imuzengele Inyumba mu Yelusalemu muchisu icha Yuda.

Nehemiya 9:22

“Ukabapa amaka aghakupotela abamwene, ninko izinji sona ni vyisu ivipalamani. Bakachifyula ichisu icha mwene u Sihoni uwamu Heshiboni sona ni icha mwene u Ogi uwamu Bashani.

Masalimo 102:25

Pakwanda ukala ulwalo lwachisu ichapasi, sona kumwanya yo mbombo izya nyobe zyako.

Masalimo 96:5

Pakuti abachala abanji bosi aba inko vifwani bulo, loli u Mwene weyuyo akapela kumwanya.

Ukufuma 20:11

“Pakuti mumasiku sikisi u Mwene akapela kumwanya ni chisu ichapasi, poka ni nyanja, sona na vyosi vivyo vili mulamula, loli nkatuzya pisiku ilyaseveni. Ichi cho chifukwa ane ne Mwene nkalisaya Isiku Ilyakutuzya pakuba lizelu.

Ukufuma 6:6

“Polelo ubabuzye aba Izilayeli amazyu ghane aghakuti, ‘Ane ne Mwene, nkwiza pakubatabula kubuzya ubwa ba Ijiputi pakubombezya amaka ghane amakulu, sona ni viswigho ivyamaka.

Yesaya 42:5

U Chala u Mwene akapela ichisu ichakumwanya nukuvikuzula, akapela ichisu ichapasi navyosi vivyo vikufuma mumo, akubapa umuyi abantu bache, sona akubapa ubumi babo bakwendapo.

Yesaya 44:24

U Mwene, yuyo akabamata mulwanda, nukubatabula akuti, “Ane ne Mwene, yuyo apelite ivintu vyosi, yuyo mwene akachikuzula ichisu ichakumwanya, yuyo akachizungulula ichisu ichapasi,

Yesaya 45:12

Nene nkachipela ichisu ichapasi, sona nkamumata umuntu ukuti ikalayemo. Ninyobe izyane ni zyane nkachikuzula ichisu ichakumwanya, nkuvilamula ivilundilo vyosi ivyakumwanya.

Yesaya 48:13

Inyobe izyane ni zyane, nkala ulwalo ulwa chisu ichapasi, inyobe yane indilo, yikukuzula ichisu ichakumwanya. Bo nkuvyitizya ivyisu vyosi vibili, vikwiza kukwane.

Yesaya 51:13

Loli wamuluvya u Mwene umupeli wako, yuyo akachikuzula ichisu icha kumwanya, nukwala ulwalo ulwa pachisu ichapasi, ukwendelela pakunyila akabalilo kosi pachifukwa icha bukali ubwa bayinvyi. Nkimba wewenu yuyo akulonda pakunangannya? Nkimba kuli kwiyi ukukalala ukwa muyinvyi?

Yelemiya 27:4

Ubalamule ukuti babuke na mazyu ghanagha ku bamwene babo nukubabuzya ukuti, ‘Umu momumo u Mwene Uwamaka Ghosi, u Chala uwa Izilayeli, akunenela ku bamwene binyu akuti:

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Yelemiya 51:15

U Mwene akapela ichisu ichapasi na maka ghache, na mahala ghache akapela ichisu chosi ichapasi mubumanyi bwache akachikuzula ichisu icha kumwanya.

Daniyeli 2:38

Akupiye ubulaghili pabantu ni vinyamana ni viyuni vyosi sona akulonda ukuti uvilaghilaye vyosi kosi kuko vikwikala. Umutu uwa golide ghula wewe.

Daniyeli 4:14

Akakolomoka akati, dumula ikwi nukuzipalanta isamba zyache. Ughapalante amani ghache, sona ivikomwa vyache uvinyampannye. Vileke ivinyamana vichimbilayemo mukazundila kache, sona vyope iviyuni vichimbilayemo musamba zyache.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Imbombo 17:24

U Chala yuyo akapela ichisu na vyosi vivyo vili mumo, we Mwene uwakumwanya ni chisu ichapasi, sona atakwikala munyumba izyakwiputilamo, zizyo zizengiwe ni nyobe izya bantu.

Imbombo 17:26

Mu munyenya weka u Chala akapela inko izya bantu ukuti bikalaye pachisu chosi ichapasi. Umwene akabikila zila akabalilo akakwikalila, sona ni mpaka zyabo.

Ukukumbusya Amalamulo 2:19

Bo mwapalamila ni chisu icha ba Amoni, mutakabatamyanje, pamo ukulwa nabo ubwite, pakuti ntakwiza pakubapa ichisu icha ba Mowabu ukuti chibanje chinyu. Ane nabapa abaluko ulwa Loti ichisu chilachila ukuti chibanje chabo.”

Ukukumbusya Amalamulo 2:21

Abantu banaba bakaba bamaka, sona bakaba binji nkani, umwakuti bakaba batalibatali bene ngati bo ba Anaki. Pope bulo u Mwene akabanangannya, sona aba Amoni bakachifyula ichisu chabo nukwikala mulamula.

Ukukumbusya Amalamulo 2:7

U Mwene u Chala winyu abasaya amwe pambombo zyosi zizyo mwabomba. Abasungilila akiza pabulendo bwinyu munkolongo inkulu yila. U Mwene u Chala winyu abanga namwe amaka 40 ghosi ghanagha, sona mutakasobelwapo ichintu nachimochimo.

Ukukumbusya Amalamulo 2:9

U Mwene akambuzya akati, “Mutakabatamyanje aba Mowabu, pamo ukulwa nabo ubwite, pakuti ntakwiza pakubapa nachimochimo ichigaba icha chisu chabo. Ane nabapa abaluko ulwa Loti akaya akakulu nkani aka Ali ukuti kabanje kabo.”

Ukukumbusya Amalamulo 32:8

Bo Uwakumwanya Nkani azigabila inko ichisu, bo abagabannya abantu bosi, bo akubalesannya abantu bosi, akabapangila abantu impaka ukuyana nu bwinji ubwa bana aba Izilayeli.

Ukukumbusya Amalamulo 4:17

manyi icha chinyamana manyi icha chiyuni

Ukukumbusya Amalamulo 4:25

Muntazi bo mwikala muchisu chila akabalilo akatali nukupapa abana sona mwaba na bizukulu mutakipangilaye mwebene nachimochimo ichifwani. Pakuti ichi chibibi pamaso pa Mwene u Chala winyu sona chikumukalalizya nkani.

Ukukumbusya Amalamulo 4:32

Buzikizya nizya masiku aghakale, kale amwe bo muchili nukupapiwa, ukwandila pisiku lilyo u Chala akamupelela umuntu pachisu ichapasi. Buzikizya ukwandila ko kubumalilo ubwa kumwanya mupaka kubumalilo ubunji. Nkimba ichintu ichikulu ichi chikabombiwapo lumo? Nkimba alipo yumo ivuyepo ichintu chinichi?

Ukukumbusya Amalamulo 4:35

U Mwene akabalanjizya zinizi umwakuti mumanye ukuti u Mwene we Chala, sona nukuti atalipo uyunji.

Ukukumbusya Amalamulo 5:16

“Umuchindikaye ughuso nu nyoko, ukuyana namumo u Mwene u Chala wako akakulamulila, umwakuti ubanje nubumi ubutali muchisu chicho u Mwene u Chala wako akukupa.

Ukukumbusya Amalamulo 9:29

Loli pope bulo abantu banaba bantu bako na bako, yo mpyana yako, sona babo ukabefya mu Ijiputi na maka ghako amakulu.”

Aba Kolosi 1:16

Pakuti ukwendela mumwache, u Chala akapela ivintu vyosi ivya kumwanya nivya muchisu ichapasi, ivyakuboneka na maso, sona vivyo vitakuboneka na maso, manyi bamwene, manyi basongosongo, manyi balaghili, manyi bamaka. U Chala akapela ivintu vyosi ukwendela mumwache.

Aba Hebeli 1:2

Loli mumasiku aghabumalilo agha anena namwe ukwendela mu Mwana wache, yuyo akamwimika ukuti apyane ivintu vyosi, sona akapela ichisu ichapasi ukwendela mumwache.

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”